Kufuma 14:16 - Amazwi Yakwe Leza 2013

¹⁶ Katusya intuwa yako ukonzolole ikasa lyako pali yemba. Amanzi yamapaatukana yaye kuu na kuu pakuti yapeele inzila ku ina Izlaeli kuti yapite mwenemo pa musili uume.

Kufuma 14:16 ပူးပေါင်းရင်းမြစ်များ

2 Yamwene 4:29

Elisya ali pakunena Geazi ati, “Zwala ikoti lyako, nga utoole ni ntuwa yane uwapita. Ndi wakomenkanya umuntu umwi munzila, utezya wimilile nanti kumulamuka. Nga ndi umwi wakulamuka, utezya kumwasuka. Wemo yanga ukalambalike intuwa yane pa usyu wa mulumendo.”

Kufuma 14:15

Yawe anena Mose ati, “Uzye pacani cino mukulu kupunda kunondi kuti mwazwe? Nena aina Izlaeli yomolole insakwe yatwalilile ulendo.

Kufuma 14:26

Yawe anena Mose ati, “Konzolola ikasa lyako usonte intuwa yako pali yemba, pakuti amanzi yaswilile nu kulenga kuti aina Eguputo ali mu maceleta, na ali pa mfwalasi, na ali pansi yonsi yamwele.”

Kufuma 17:5

Lyene Yawe anena Mose ati, “Tola intunguluzi zimwi zya ina Izlaeli, nga mukolelele antu yonsi. Pa kupita usende intuwa ino uumile pa manzi mu Luzi lwa Nailo.

Kufuma 17:6

Ulanzana njimi pa ciliwe pa Mwamba wa Holebu. Ukuume intuwa pa ciliwe, alino amanzi yalafuma mu ciliwe kuti antu yamwe.” Mose acita wakwe vino Yawe wamunenyile, pa manso ya ntunguluzi zya ina Izlaeli.

Kufuma 4:17

Senda intuwa ii, pano ali ino ulaomvya pa kucita vizungusyo.”

Kufuma 4:2

Caleka Yawe auzya Mose ati, “Uzye ulemile cani?” Nawe aasuka ati, “Ndemile intuwa.”

Kufuma 4:20

Caleka Mose atoola umuci na ana yakwe aonsi, ayakwezya pali punda, nga yonsi pamwi yakatuka ulwendo lwakuswilila ku Eguputo, ala asenzile intuwa ino Leza wamunenyile kusenda.

Kufuma 7:19

Yawe anena Mose ati, “Unene Aaloni kuti atoole intuwa yakwe asonte pa nguzi zyonsi, pa mifolo ya manzi yonsi, na pa viziya vyonsi vyamu Eguputo. Amanzi yamaya uwazi, nu mu Eguputo monsi mumaya uwazi, mu nkolo nu mu nsembo kwene mumaya uwazi.”

Kufuma 7:9

“Lino Falao aluzya wewe na Aaloni kuti mucite vizungusyo vya kusininkizya ukuti Leza winu watamutuma, lyene wewe Mose ulinzile ukupeela ilamulo kuli Aaloni kuti asumbe intuwa yakwe pansi ino akapitila, ku nkolelo yakwe Falao. Intuwa iyo ilasanguka iye inzoka.”

Ezaya 10:26

Yawe Wamaka yonsi alayanyambola nu mukota, ndi vino umile aina Midyani uku ciliwe caku Olebu, lino walambalike intuwa yakwe pali yemba. Alavunuka aina Asilya ndi vino wavunwike aina Eguputo.

Habakuku 3:8

We Yawe uzye inguzi izyatizikukalifya? Uzye imilonga yatikuletela icipyu? Uzye a yemba uwakusosizye, lino wakwezile pa mfwalasi zyako nu kuleta ucimvyo ku antu yako?

Mpendwa 20:11

Alino Mose azunzula ikasa lyakwe, auma na pa ciliwe ni ntuwa amaila yaili. Awe amanzi iyatandika nu kufuma nyanya sile. Ni iuvi lyonsi ilimwa kumwi ni viteekwa vyao.

Yoswa 8:18

Alino Yawe anena Yoswa ati, “Tola isumo lyako nu kulisonta ku Ai, pasi pano namapeela umusumba wa Ai mu makasa yako.” Acino Yoswa asonta isumo lyakwe ku Ai.