Kufuma 13:9 - Amazwi Yakwe Leza 2013

⁹ Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Kufuma 13:9 ပူးပေါင်းရင်းမြစ်များ

Neemiya 1:10

“We Yawe, ala yaa aomvi yako nupya antu yako kololo, yano we mweneco wakulwile uku maka yako nu ku makasa yako.

Masamu 136:11

Wafumizye aina Izlaeli umu Eguputo, pano luse lwakwe ulwa pe na pee,

Masamu 136:12

kwikasa lyakwe ilya maka ilitambalale, pano luse lwakwe ulwa pe na pee.

Masamu 89:13

Wewe wakwata amaka yonsi. Ikasa lyako lyakoma wakwe cimwi, ikasa lyako ililunji lyatumpuka.

Kufuma 12:14

Uwanda uu, uwa ciusizyo. Mulinzile kuzevya pa wanda wakucindikilapo Nene ne Yawe. Mwazevya uwanda uu mu mikulo inu yonsi.”

Kufuma 12:41

Pa wanda uno imyaka 430 yasizile, ukufuma lino aina Izlaeli ingile mu Eguputo, imitundu yonsi ya antu yakwe Yawe ifuma mu Eguputo.

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 13:16

Lutambi lu lulaya wa ciusizyo kunotuli, lulaya wa cimanyililo icanyepelelwa ku makasa itu nanti icanyepelelwa pa mpumi zitu wa mupango, cakutwiusya ukuti Yawe watufumizye mu Eguputo ku maka yakwe akulu.”

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 3:20

Caleka ndaomvya maka yane nupya ndavunuka aina Eguputo ku vizungusyo vya maka vino ndacita kukwa. Pacisila cakwe vii, umwene wilya alamuzumilizya kuti mupite.”

Kufuma 7:4

Lyene ndaomvya maka yane pa kuvunuka cuze aina Eguputo. Alino ndatungulula imitundu ya ina Izlaeli ukufuma mu mpanga ya Eguputo.

Mapinda 1:9

Pano amasunde yao yalakuyemvya nu kusenula imiyele yako iye isuma, uce ucindame ungati icisote cawene nanti ciukasi cakuzwala umu nsingo.

Mapinda 3:21

Mwanane uwaika umwenzo uku mano nu ku kucenjela, utaleka vifume kunuli.

Mapinda 7:23

mpaka yaitulinkanya itima uku luceto, wa cunyi icaisumbila umwi liya, citamanyile ukuti yacipangila mpiti umi wa ciko.

Lwimbo lwakwe Solomoni 8:6

Uwankunda nene nenga mpo, muze wene foo. Uwankumbatila nene nenga mpo, muze wene foo. Pano ulukundo lwakoma wa mfwa, ni nsuna yakoma wa mfwa kwene. Yene yaya wa mvumba ya moto, wa cimbilimbili icikulu.

Ezaya 27:1

Mu wanda ulya, Yawe alatola ulupanga lwakwe ulukalipisye, nupya alakoma nu kupezya ali luno alapezezya icilyanyi cica ci Leviatani, cino cikanyunkuta apakupita, cino cikaivyonganya nupya cino cikaikala muli yemba.

Ezaya 40:10

Umwene mucindami akwiza ku kuteeka na maka. Lino akwiza ali na antu yakwe yano wakulula.

Ezaya 44:5

Umwi alavwanga ati, ‘Nene muntu wakwe Yawe,’ muze alayama umwisikulu ukuti uwamu mutundu wakwe Yakobo. Namuze alalemba api kasa lyakwe ati, ‘Uwakwe Yawe,’ nga yalangama ukuti uwamu mutundu wakwe Izlaeli.”

Ezaya 49:16

Yelusalemu, ala nemo ntange nkwilile foo, pano nemo nakulemba nu mu ndupi zyane. Iviumba vyako nkuvilola insita zyonsi.

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Ezaya 59:21

Alino nupya ne Yawe napangana namwe upangano wakuti nemo napeela amaka yane na masunde yane. Fwandi mwemo mulinzile ukuviyela, nu kuvisambilizya ku yana yinu na izikulu inu, ukutandikila sile apilelo ukufika nu kumpela ya manda. Kuu kuli kulanda kwakwe Yawe.

Yelemiya 22:24

Yawe wavwanga uku mwene Yeoyakini, umwana umonsi wakwe Yeoyakimu umwene waku Yuda, wati, “Cumi kwene vino nene indi Leza wa umi, nanti angala Yeoyakimu angaya imbalaminwe ukwi kasa lyane lilungi, nemo ningamuzula.

Danieli 9:15

“Caleka ndakai twatitwifya kunuli, we Mwene Leza witu, wemuno walumbwike lino wafumizye antu yako umu Eguputo, ku maka yako akulu, nga antu yacili iusya amaka yako.

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Mpendwa 15:39

Fwandi muli nu kucita vivyo kwene pakuti insita yonsi ndi mwazilola, imwiusya amasunde yakwe Yawe, pakuti mwayela kuti mutaca mumufutatile nu kulondela ulunkumbwa lwa mu myenzo inu nu lwa mu manso inu.

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Loma 10:8

Lelo malembelo yakati, “Mazwi yakwe Leza yasi kutali nawe, lelo ukaya vwanga nupya yali mu mwenzo wako.” Yaa ali mazwi ya utailo yano tukakosola.

Malango 30:14

“Awe! Ala lyene lili pakwene pipi namwe. Mwalimanya nupya mungalyeleuzya, caleka mulinzile kuliyela.

Malango 5:15

Uwiusye ukuti watazile uya umuzya mu mpanga ya Eguputo, nu kuti Yawe Leza wako wakufumizye mwenemo ku maka yakwe ataikulila ni kasa lyakwe livunguluke. Caleka Yawe Leza wako watakupeela ilamulo kuti wacindika uwanda wi Sabata.

Malango 6:21

Lyene muce muyanene muti, ‘Swemo twali azya ya mwene waku Eguputo, nga lelo Yawe watukulula ku maka yakwe akulu.

Malango 6:6

Mutezya ukwilila amasunde yaa yano nkumupeela ilelo.

Malango 6:8

Muyanyepelele ku makasa inu nu kuyazwala pa mausyu inu pakuti yangaya wa ciusizyo.

Umbwilo 18:8

Pamulandu wakwe cii, vilumbelo, ndwala, ndosya, ni cipowe vilamuponela pa wanda onga. Nga yalamoca ku moto, pano Mwene Leza akumupingula, Leza uwa maka.”

Yakapingula 2:12

Aina Izlaeli iyatazyela Yawe, Leza wa vikolwe vyao, wino wayafumizye umu Eguputo. Iyalondela nu kupepa tuleza tuze utwa antu atenzi umu mpanga iyazingulwike. Apa kufukamila tuleza tutu yene iyalenga Yawe ukusoka.