Kufuma 13:3 - Amazwi Yakwe Leza 2013

³ Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 13:3 ပူးပေါင်းရင်းမြစ်များ

Utandiko 15:16

Palapita mikulo ini lino amu mupanda wako yalaweluluka kuno mpanga, pano lyene ukwifya kwa ina Amoli ala kwafika pa kuyavunuka.”

1 Yamwene 8:42

apamulandu wakuti antu avule yaluvwa ukucindama kwi zina lyako, na maka yako asuma, alino fwandi ndi cakuti wiza wapepa mu Ng'anda ii ikulu,

1 Milandu 16:12

Iusyini ivyakuzunguka vino Yawe wacisile, ni vinjelengwe vyakwe, nga nu uvunuko uno wene wacisile apa antu,

Neemiya 1:10

“We Yawe, ala yaa aomvi yako nupya antu yako kololo, yano we mweneco wakulwile uku maka yako nu ku makasa yako.

Neemiya 9:10

Lyene wemo ali pakucita ivinjelengwe ni vizungusyo, ivyakulwisya Falao, aomvi yakwe pamwi na antu yonsi amu mpanga yakwe, pamulandu wa ukakasi uno yayacitile. Wemo waicitile ululumbi lwako luno ucikweti na pilelo kwene.

Masamu 105:5

Mwe amu mupanda wakwe Abulaamu, mwemuno mukamutumikila,

Masamu 114:1

Lino aina Izlaeli yafumile umu mpanga ya Eguputo ali kuti lino amu mupanda wakwe Yakobo yafumile umu mpanga ya lulimi ulwenyi,

Masamu 136:11

Wafumizye aina Izlaeli umu Eguputo, pano luse lwakwe ulwa pe na pee,

Masamu 136:12

kwikasa lyakwe ilya maka ilitambalale, pano luse lwakwe ulwa pe na pee.

Masamu 89:14

Uololoke nu ulungi wako ali mufula wa wene wako. Ukalanga ukutemwa nu ufumacumi wako muli vyonsi vino ukacita.

Kufuma 12:15

Lyene Yawe avwanga ati, “Pa manda cinimbali mutalinzile ukulya umukate umuli icitutumusi. Mulinzile ukulya sile umukate usi na citutumusi. Pa wanda wakutandika wa manda cinimbali mulinzile kufumya icitutumusi mu mang'anda inu. Pano ndi umwi mu manda cinimbali angalya umukate umuli icitutumusi, wene alinzile kusukulwa mu antu yane.

Kufuma 12:17

Mwaiusya uwanda wa cimulo cii, pamulandu wakuti pa wanda kwene uu apano nafumizye imitundu inu mu Eguputo. Caleka mikulo yonsi ilinzile kuzevya uwanda uu.

Kufuma 12:19

Pa manda cinimbali mu mang'anda inu mutalinzile kuzanwa icitutumusi. Pano ndi umwi, wino wavyalilwa munomuli nanti mwinamasi, walya umukate umuli icitutumusi, wene alinzile kusukulwa mu antu yane.”

Kufuma 12:2

“Umwezi uu ukaya uwakutandika kunondi cila mwaka.

Kufuma 12:41

Pa wanda uno imyaka 430 yasizile, ukufuma lino aina Izlaeli ingile mu Eguputo, imitundu yonsi ya antu yakwe Yawe ifuma mu Eguputo.

Kufuma 12:42

Mu usiku wa wanda kwene ulya alino Yawe wacesizye nu kuyatungulula pa kuyafumya mu Eguputo. Acino usiku wa wanda uu Yawe waipaatwila ku nkulo zyonsi. Usiku wa wanda uu aina Izlaeli yonsi yakacesya pa kucindika Yawe.

Kufuma 12:8

Usiku wa wanda ulya yace yoce inyama, yalye nga nu mukate usi na citutumusi pamwi nu musalu ulule.

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 20:8

“Waiusya uwanda wi Sabata nu kuusunga nu muzilo.

Kufuma 23:15

Mwazevya Cimulo ca Mukate usi na Citutumusi. Wakwe vino namupiile ilamulo mwalya umukate usi na citutumusi pa manda cinimbali mu mwezi wakwe Abibu, pa nsita ino cikacitikila, pamulandu wakuti mu mwezi kwene uwo alino mwafumile mu Eguputo. Kusi umuntu wakwiza ku ng'anda yane minwe.

Kufuma 3:20

Caleka ndaomvya maka yane nupya ndavunuka aina Eguputo ku vizungusyo vya maka vino ndacita kukwa. Pacisila cakwe vii, umwene wilya alamuzumilizya kuti mupite.”

Kufuma 34:18

“Mwazevya Cimulo ca Mukate usi na Citutumusi, wakwe vino namupiile ilamulo. Mwalya umukate usi na citutumusi pa manda cinimbali mu mwezi wakwe Abibu, pano mu mwezi kwene uu, ali lino mwafumile mu Eguputo.

Kufuma 6:1

Lelo Yawe aasuka Mose ati, “Ndakai umalola vino namacita kuli Falao. Namamupatikizya ate antu yane yapite. Endi namamupatikizya kuti ayafumye mu mpanga yakwe.”

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Kufuma 7:4

Lyene ndaomvya maka yane pa kuvunuka cuze aina Eguputo. Alino ndatungulula imitundu ya ina Izlaeli ukufuma mu mpanga ya Eguputo.

Yelemiya 34:13

“Ne Yawe Leza wa ina Izlaeli, lino nafumizye ivikolwe vinu mu mpanga ya Eguputo, napangine nayo upangano wakuti,

Danieli 9:15

“Caleka ndakai twatitwifya kunuli, we Mwene Leza witu, wemuno walumbwike lino wafumizye antu yako umu Eguputo, ku maka yako akulu, nga antu yacili iusya amaka yako.

Mateo 10:12

Na lino mwingila mu ng'anda ilya mutale muti, ‘Mutende uye namwe.’

Luka 22:19

Alino atoola umukate ataizya Leza, aumokoola, alino aupela kunoyali, avwanga ati, “Uu uli mwili wane, uwapeelwa pamulandu winu. Mwacita cii pa kunjiusya.”

1 Kolinto 11:24

ataizya kuli Leza, aumokoola, nga avwanga ati, “Uu, uli mwili wane, uno wapelwa pamulandu winu. Mwacita cii pa kunjiusya.”

1 Kolinto 5:8

Caleka mutazevya Cimulo cii lino mukucita viipe nu ukakasi. Cii cikoline wa kupelwa kwa mukate usi ni citutumusi, uno ukaswefya mwenzo nupya uwa cumi.

Efeso 1:19

nga na kuti mumanye na maka yakwe aataikulila yano akaomba munotuli swe ya utailo. Maka ya ulamba ali yamwi

Malango 13:10

Uwakutama na mawe mpaka afwe! Wene wezizye ku mufumya kuli Yawe Leza winu, wino wamutuuzile ukufuma mu Eguputo, muno mwali azya.

Malango 13:11

Lyene aina Izlaeli yaluvwa icacitika, yaye ni ntete, nga kusi umwi alacita ulukota lwa musango uwo nupya.

Malango 13:5

Lelo Kasema wiyo na kalota wa viloto alinzile akomwe, pamulandu wakuti wene akunena antu ukusangukila Yawe Leza winu, wino wamufumizye mu Eguputo, mumo muno mwali azya. Antu amusango uu ankota nupya yakwezyo ukumufumya ku kwikala umi uno Yawe wapeezile ilamulo ukuti avino mwaikala. Yene yalinzile yakomwa, pakuti musisye inkota ii pakasi kinu.

Malango 13:6

“Umunyonko umwi nanti umwana wako umonsi nanti umwanaci, nanti umuci wako wino watemwa nanti acuza wako uwapa mwenzo angezya ku kutunkola mu umfisolo kuti wapepa tuleza tuze, tuto tuno ivikolwe vinu vitatazile vipepe.

Malango 15:15

Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Malango 16:1

“Muce mwacindika Yawe Leza winu mu kuwaka kuzevya Cimulo ca Ucilo mu mwezi wa Abibu, pamulandu wakuti ali mwezi kwene uno wamufumizye mu mpanga ya Eguputo, usiku.

Malango 16:12

Mwaiusya ukuti mwali azya mu mpanga ya Eguputo, ali cino fwandi mulinzile ukulondela amalamulo yaa ningo.

Malango 16:3

Apa kulya icakulya cico mutakezye ukulya imikate umuli icitutumusi. Pa manda cinimbali musi nu kulya umukate umuli icitutumusi, wakwe vino mwacisile lino mwafumile mu mpanga ya Eguputo mu lwilo. Mukalye imikate iyo wa mikate ya ucuzi, pamulandu wakuti ilamwiusya vino mwacuzile cakuti amanda yonsi yano mulikala pano nsi mulaiusya uwanda ulya uno mwafumile mu mpanga ya Eguputo.

Malango 24:18

Mwaiusya ukuti mwemo mwali azya mu Eguputo nga nu kuti Yawe Leza winu wamucisile ukuya antungwa. Uli mulandu uno natimupeela ilamulo lii.

Malango 24:22

Mwaiusya ukuti mwemo mwali azya mu Eguputo. Uli mulandu uno natimupeela ilamulo lii.

Malango 26:8

Acino Yawe ali pakutufumya mu mpanga ya Eguputo ku maka yakwe nu ku nzyansyo zyakwe. Wene wacisile ivinjelengwe ni vizungusyo, nga nu kucita ivintu ivyakoofya.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Malango 5:15

Uwiusye ukuti watazile uya umuzya mu mpanga ya Eguputo, nu kuti Yawe Leza wako wakufumizye mwenemo ku maka yakwe ataikulila ni kasa lyakwe livunguluke. Caleka Yawe Leza wako watakupeela ilamulo kuti wacindika uwanda wi Sabata.

Malango 5:6

‘Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Malango 6:12

muce mutekele pano limwi mungazana ukuti mwilila Yawe uwamufumizye mu Eguputo, muno mwali azya.

Malango 6:21

Lyene muce muyanene muti, ‘Swemo twali azya ya mwene waku Eguputo, nga lelo Yawe watukulula ku maka yakwe akulu.

Malango 7:8

Lelo Yawe wamutemilwe nupya walondesyanga ukufikilizya ulayo wakwe uno wene wacisile ku vikolwe vinu. Uli mulandu uno wene wamutuuzile ku maka yakwe akulu nu kulenga kuti muye antungwa ku uzya kuli Falao umwene waku Eguputo.

Malango 8:14

muce musininkizye ukuti mutakaye ni cilumba nga mwilile Yawe Leza winu wino wamufumizye mu Eguputo, muno mwali azya.

Malango 9:12

“Lyene alino Yawe wanenyile ati, ‘Tentemuka ukufuma pano likwene, pamulandu wakuti antu yano wafumizye mu Eguputo yatiyiifya. Yene yatiyafutatila zuwazuwa ilamulo lino nayapeezile nga yatiyaipangila akaluwi.’

Yoswa 24:17

Pasi pano Yawe Leza witu umwisikulu uwatufumizye mu uzya mu Eguputo, sweswe ni vikolwe vitu, nga acita ni vinjelengwe vivi vikulu pa manso itu. Wene watucingilile pa lwendo lwitu lonsi nga na pakasi ka antu amu nko zyonsi muno twapisile.

Yakapingula 2:12

Aina Izlaeli iyatazyela Yawe, Leza wa vikolwe vyao, wino wayafumizye umu Eguputo. Iyalondela nu kupepa tuleza tuze utwa antu atenzi umu mpanga iyazingulwike. Apa kufukamila tuleza tutu yene iyalenga Yawe ukusoka.

Yakapingula 6:8

Nga Yawe ayatumila kasema uwayanenyile ati, “Yawe, Leza wa ina Izlaeli, watavwanga ati, Nene namufumizye mu Eguputo mu uzya.