Kufuma 13:18 - Amazwi Yakwe Leza 2013

¹⁸ Lelo Leza alenga antu kuti yazinguluke ku museo uwapita ku lwanga ukuya kuli Yemba Muyenzu. Aina Izlaeli yali aipangasye pa kufuma mu Eguputo.

Kufuma 13:18 ပူးပေါင်းရင်းမြစ်များ

Utandiko 50:25

Lyene Yosefu anena aina yakwe kuti yalape nu mulapo. Ayanena ati, “Lapini kunondi, ukuti lino Leza alamutungulula ku mpanga ilya, mulasenda amafupa yane ukufuma kuno.”

Masamu 107:7

Ali pakuyatungulula umu nzila ilungame, iyakuyatwala uku muzi wa antu.

Masamu 136:16

Watungulwile antu yakwe umu matololo, pano luse lwakwe ulwa pe na pee.

Masamu 68:8

impanga yatensile ni yulu nalyo lyatelengine, apa cinso cako kwene we Leza, we kateeka waku Sinai. Apa cinso cako kwene we Leza wakwe Izlaeli.

Kufuma 12:51

Pa wanda kwene ulya Yawe aleka kuti aina Izlaeli yafume mu Eguputo ukulingana ni mitundu yao.

Kufuma 14:2

“Nena aina Izlaeli ukuti yalinzile kusenuka nu kuya kuula insakwe pa nkolelo ya musumba Pi Hailoti, uwaya pakasi ka musumba Migidoli na Yemba Muyenzu pipi nu musumba Baali Zefoni.

Kufuma 14:9

Vita vyakwe Falao umwene waku Eguputo, ivyali pa mfwalasi, ivita vino vyali pansi, yalondelela aina Izlaeli lunkwalunkwa nga yaya yayazana lwa pano yakuuzile insakwe mu nkumba yakwe Yemba Muyenzu, pipi na Pi Hailoti na Baali Zefoni.

Malango 17:16

Umwene atalinzile ukukwata imfwalasi zivule wakwe cimwi, nanti ukuleka antu yaswilile ku Eguputo ukuya kala imfwalasi nazyuze, pamulandu wakuti Yawe walanda ukuti antu yakwe yataca yezye ukuswilila ku Eguputo nupya.

Malango 32:10

“Wene wayazanyile yakululumba mu lwanga, mu mapoli, mu lwanga uluwatuke nupya mu cimuza ca lukungu. Atandika ukuyacingilila nu kuyasunga ningo, wakwe vino angasunga nyinalinso uwi linso lyakwe.

Yoswa 1:14

Acino fwandi aci inu, na ana inu, pali pamwi ni viteekwa vinu, yene yali nu kusyala kuno mbalama ku mpanga ino Mose wamupeela lwaku ufumondaka wa Luzi lwa Yodani. Lelo ivita vinu, vyonsi vino vyativiipangasya ku kulwa inkondo, vilinzile kulamba luzi lulu nu kukolelela anyonko aina Izlaeli kuti vikayazwilizye ukulwa inkondo.

Yoswa 4:12

Amu mutundu wakwe Lubeni, na wakwe Gadi nga nu mutundu pakasi wakwe Manase ali yano yakolelile aina Izlaeli yonsi ala iyaipangasya ivyanzo, wakwe vino Mose wayatungulwile.

Yoswa 4:13

Pa manso yakwe Yawe antu ukulingana na mazimbi amakumi yani, yao aiteinye ku ulwi, iyalamba nu kulungama ku manyika aku Yeliko.