Kufuma 13:14 - Amazwi Yakwe Leza 2013

¹⁴ “Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 13:14 ပူးပေါင်းရင်းမြစ်များ

Utandiko 30:33

Manda akwiza ulazana ndi nene wacumi. Lino uli nu kwiza nengula pa malipilo yane, ndu ulazana nkweti imbuzi itakweti matonitoni nanti maalamaala, nanti imfwele yonga isi itifi, ulamanya ukuti iiye.”

1 Milandu 16:12

Iusyini ivyakuzunguka vino Yawe wacisile, ni vinjelengwe vyakwe, nga nu uvunuko uno wene wacisile apa antu,

Neemiya 1:10

“We Yawe, ala yaa aomvi yako nupya antu yako kololo, yano we mweneco wakulwile uku maka yako nu ku makasa yako.

Masamu 136:11

Wafumizye aina Izlaeli umu Eguputo, pano luse lwakwe ulwa pe na pee,

Masamu 145:4

Muno inkulo zyalondenkanila, antu yalatakola imilimo yako. Yene yalalanda imilimo yako iyamaka.

Masamu 78:4

Tutafisanga ana itu foo, tumanenanga kweneko na yano yamatulondelelapo, apamulandu na maka yakwe Leza, na pa vicitwa vyamaka, nga na pa vintu ivyakuzunguka vino wacita.

Kufuma 10:2

Nkulonda mwalondolwela ana inu na aizikulu inu pa vizungusyo vii nu kuti mwayalondolwela vino nalenzile aina Eguputo kuti yaloleke atumpe. Lyene mwensi mulamanya ukuti Nene indi Yawe.’ ”

Kufuma 12:41

Pa wanda uno imyaka 430 yasizile, ukufuma lino aina Izlaeli ingile mu Eguputo, imitundu yonsi ya antu yakwe Yawe ifuma mu Eguputo.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 13:8

Lino insita yakuzevya cimulo yafika, mwalondolwela ana inu ukuti mukacita cii pamulandu wakwe cino Yawe wamucitile lino mwafumile mu Eguputo.

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 6:1

Lelo Yawe aasuka Mose ati, “Ndakai umalola vino namacita kuli Falao. Namamupatikizya ate antu yane yapite. Endi namamupatikizya kuti ayafumye mu mpanga yakwe.”

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Yelemiya 34:13

“Ne Yawe Leza wa ina Izlaeli, lino nafumizye ivikolwe vinu mu mpanga ya Eguputo, napangine nayo upangano wakuti,

Danieli 9:15

“Caleka ndakai twatitwifya kunuli, we Mwene Leza witu, wemuno walumbwike lino wafumizye antu yako umu Eguputo, ku maka yako akulu, nga antu yacili iusya amaka yako.

Milimo 13:17

“Leza wa ina Izlaeli wasolwile vikolwe vitu, nga aleka antu itu yaya luko lukulu lino yali atandazi mu mpanga ya Eguputo. Lyene Leza ayafumya na maka mu Eguputo

Malango 5:15

Uwiusye ukuti watazile uya umuzya mu mpanga ya Eguputo, nu kuti Yawe Leza wako wakufumizye mwenemo ku maka yakwe ataikulila ni kasa lyakwe livunguluke. Caleka Yawe Leza wako watakupeela ilamulo kuti wacindika uwanda wi Sabata.

Malango 5:6

‘Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Malango 6:12

muce mutekele pano limwi mungazana ukuti mwilila Yawe uwamufumizye mu Eguputo, muno mwali azya.

Yoswa 22:24

Lelo swemo twacisile cii pamulandu wakusakamala ukuti umu wanda ukwiza amu mupanda winu yangiza yanena amu mupanda witu yati, ‘Pasi icimukumile mwemwe kuli Leza wa ina Izlaeli.

Yoswa 24:17

Pasi pano Yawe Leza witu umwisikulu uwatufumizye mu uzya mu Eguputo, sweswe ni vikolwe vitu, nga acita ni vinjelengwe vivi vikulu pa manso itu. Wene watucingilile pa lwendo lwitu lonsi nga na pakasi ka antu amu nko zyonsi muno twapisile.

Yoswa 4:6

kuti liye icimanyililo apakasi kinu. Mu manda akwiza lino amu mupanda winu yalamuzya vino amawe ya yakusenula kunomuli,

Yakapingula 2:12

Aina Izlaeli iyatazyela Yawe, Leza wa vikolwe vyao, wino wayafumizye umu Eguputo. Iyalondela nu kupepa tuleza tuze utwa antu atenzi umu mpanga iyazingulwike. Apa kufukamila tuleza tutu yene iyalenga Yawe ukusoka.

Yakapingula 6:8

Nga Yawe ayatumila kasema uwayanenyile ati, “Yawe, Leza wa ina Izlaeli, watavwanga ati, Nene namufumizye mu Eguputo mu uzya.