Kufuma 12:8 - Amazwi Yakwe Leza 2013

⁸ Usiku wa wanda ulya yace yoce inyama, yalye nga nu mukate usi na citutumusi pamwi nu musalu ulule.

Kufuma 12:8 ပူးပေါင်းရင်းမြစ်များ

2 Milandu 35:13

Aina Levi ali pakooca ana ya mfwele a Cimulo ca Ucilo apa moto umu kulondela amasunde alembwa. Yeleka ni vyamuzilo umu ntendo, mu mipika na pali yapani nu kukalauka zuwa uku vyankanya uku antu yonsi.

Masamu 22:14

Nemo natintemboka, lyene nkwituluka sile wa manzi. Na mafupa yane nayo yatiyafyontoka. Umwenzo wane ukoline ipula, ilyatilisunguluka.

Kufuma 1:14

Umi wa ina Izlaeli wali uwakucululuka pamulandu wakuti aina Eguputo yayakulizyanga ukuomba incito ikome mu kutama injelwa nu kukanda indaka mu makuule nga nu mu milimo yamu vyalo vyao kwaula ukuya nu luse panoyali.

Kufuma 12:9

Mutaca mulye inyama iisi nanti iyeleke, lelo muce mulye iyoce yonsi kumwi nu mutwe, amakulu nga na vyonsi vya munda.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 13:7

Pa manda cinimbali mutalinzile ukulya umukate umuli icitutumusi. Mu mpanga inu yonsi mutalinzile ukuya icitutumusi nanti umukate umuli icitutumusi.

Kufuma 23:18

“Pakumpeela uwazi wa nyama ya mpolelwa, mutaapelela pamwi nu mukate umuli icitutumusi. Mafuta ya mawila yane ya vimulo yatasungwa kufika katondo ka wanda walondelela.

Kufuma 34:25

“Mutaapela kunondi umukate umuli icitutumusi lino mukupeela impolelwa. Inyama ili yonsi ya mpolelwa yapa Cimulo ca Ucilo mutaisunga kufika ku katondo ka wanda walondelela.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Amosi 4:5

Mupele umukate winu pakuti mutaizye Leza. Muitakizye apa mawila inu akuitemelwa, nu kuyuvwa pa mawila kwene yayo, pasi pano avino mwe ina Izlaeli mwatemwa ukucita. Avino Yawe wavwanga.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Mateo 16:12

Lyene alondezi iiluka kuti atakuyanena kucenjela ku citutumusi cikaomviwa mu mukate, lelo kuti yacenjele ku usambilizyo wa Afaliseo na Asaduki.

Mateo 26:26

Walanga yacili yakulya, Yesu atoola mukate, ataizya Leza, aumokoola, alino aupela ku alondezi yakwe avwanga ati, “Tolini mulye, uu uli mwili wane.”

Galatiya 5:9

Citutumusi cinono sile cingalenga ukuti munya onsi ututumuke.

Malango 16:7

Muce mwaeleka nu kuilila pa ncende ilya kwene yonga mpo iyakupepela penepo. Alino lyene akatondo imuswilila kumwinu.

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.