Kufuma 12:16 - Amazwi Yakwe Leza 2013

¹⁶ Pa wanda wakutandika, nga na pa wanda uwalenga cinimbali, mulinzile kukongana ku kupepa. Mutalinzile ukuomba mulimo nanti umwi pa manda yao, lelo ivyakulya vyene mungateyanya.

Kufuma 12:16 ပူးပေါင်းရင်းမြစ်များ

Kufuma 16:23

Alino Mose azinena ati, “Yawe watapeela ilamulo ukuti mutondo uwanda wa kupuza, uwanda wi Sabata uwapaatulwa kuli Yawe. Mupange umukate onsi uno mukulonda, nupya mweleke consi cino mukulonda kweleka. Ivyasyala muvisunge pa mbali mpaka mutondo.”

Kufuma 16:29

Mwiusye ukuti Nene, ne Yawe, namupeela uwanda wi Sabata. Cili cino pa wanda uwalenga mutanda nkamupeela ivyakulya vivule vya manda yaili. Muntu wensi alinzile aikala kunoli pa wanda uwalenga cinimbali. Atafuma pa ng'anda yakwe.”

Kufuma 16:5

Pa wanda uwalenga mutanda antu yalinzile kukolonganika nu kuteyanya ivyakulya vya manda yaili.”

Kufuma 20:10

Lelo uwanda uwalenga cinimbali wene i Sabata kuli ne Yawe Leza wako. Utaomba umulimo mu wanda uu, wewe nanti ana yako aonsi nanti anaci, nanti aomvi yako aonsi nanti anaci, nanti iviteekwa vyako, nanti mwinamasi wino akaikala mu mikalo yako.

Kufuma 34:18

“Mwazevya Cimulo ca Mukate usi na Citutumusi, wakwe vino namupiile ilamulo. Mwalya umukate usi na citutumusi pa manda cinimbali mu mwezi wakwe Abibu, pano mu mwezi kwene uu, ali lino mwafumile mu Eguputo.

Ezaya 1:13

Amawila inu auwelewele ntayakasi. Icinunu ca ubani uno mukumfutumwila cikundetela umuselu, nkusalokwa. Amanda yakulu inu, ivili wa wanda uwandoleko ya mwezi, Masabata inu na maukongano yauze, nayo kwene nemo nsikuyalonda. Vyonsi vivyo vyativikoweziwa uku viipe vinu.

Aina Levi 23:21

Pa wanda uwo mulaomba imilimo inu ya cila wanda. Lelo mwakongana ku mapepo. Amu mupanda winu yali nu kusunga ilamulo lii amanda yonsi, usi mulandu na kuno yalaya yakikale.

Aina Levi 23:27

“Uwanda uwalenga ikumi, uwa mwezi uwalenga cinimbali, uli wanda wakucita ulutambi lwa kufuta amaifyo. Pa wanda uwo mutaomba nanti cimwi foo. Mwakongana sile pamwi ku mapepo nu kupeela uwila wa usu kuli Yawe.

Aina Levi 23:35

Pa wanda wakutandika wa manda kwene yaa, mwakongana pamwi ku mapepo, nupya kusi ukuomba imilimo inu ino mukaomba cila wanda.

Mpendwa 28:18

Pa wanda wakutandika kuzanganzila kuzevya kuko, yalinzile kukongana ku kupepa, nupya yatalinzile ukuombamo umulimo nanti umwi uno ukaombwa lyonsi.

Mpendwa 28:25

Pa wanda uwalenga cinimbali muce mwalongana ku kupepa, nupya mutaezya ukuombamo umulimo uli onsi uno ukaombwa lyonsi.

Mpendwa 28:26

“Pa wanda wankolelo uwakuzevya Cimulo ca Uzombozi, lino mukapeela iviseekwa vyankolelo kuli Yawe, muce mwakongana pamwi ku kupepa, nupya mutakezye ukuombamo umulimo uli onsi uno ukaombwa lyonsi.

Mpendwa 29:1

“Pa wanda wakutandika uwa mwezi uwalenga cinimbali, mulinzile kukongana ku mapepo, nupya mutakaombe umulimo uli onsi. Kunomuli uli wanda wakulizya intandala.

Mpendwa 29:12

“Umu wanda uwalenga ikumi na yasano, mu mwezi wakwe cinimbali kwene, mulinzile mwakongana ku kupepa, nupya mutalinzile ukuombamo umulimo nanti umwi uno ukaombwa lyonsi. Mulinzile ukuzanganzila kuzevya kuko ukulasenda amanda cinimbali mu kucindika Yawe.

Yoane 19:31

Wali uwanda wakuteyanya Sabata. Na Sabata walondelile wali uwamuzilo kuluta. Na Ayuda yatalondanga antu kusyala pa lupanda pa wanda wi Sabata. Acino yuzya Pilato kuti yavune maulu yakwe yao atanyilwe, nga yaisye.

Malango 16:8

Pa manda mutanda muce mwalya imikate isi na citutumusi. Lelo pa wanda uwalenga cinimbali, muce mwakongana pamwi nu kucindika ca pamwi Yawe Leza winu, nupya kusi ukuomba umulimo pa wanda uwo.