Kufuma 12:13 - Amazwi Yakwe Leza 2013

¹³ Uwazi wa pa meema cilaya cili cimanyililo cakulangilila mang'anda muno mwe ina Izlaeli mukaikala. Lino ndavunuka aina Eguputo, ndi nalola uwazi pa meema ndacilila ng'anda iyo, nga ni mpungo italapona panomuli kuti imonone.

Kufuma 12:13 ပူးပေါင်းရင်းမြစ်များ

Ayebulai 11:28

Utailo uwalenzile kuti Mose acite Ucilo nu kupeela ilamulo ku antu lyakukanya uwazi pa mema kuti mungeli wino wali nu kukoma mayeli atakoma mayeli ya ina Izlaeli.

Kufuma 12:23

Lino Yawe alasalala mu mpanga ya Eguputo kulenga kuti aina Eguputo yafwe, alalola uwazi ku meema na pali pungwe wa ng'anda inu. Cii cilalenga kuti Yawe atazumilizya mungeli mononyi kuti aingile mu mang'anda inu ku kulenga kuti mufwe.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Utandiko 17:11

Ndakai mwasilamulwa, nga cii cilaya cili cilangililo ca upangano pakasi kakwe mwemwe nani.

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

Yoswa 2:12

Caleka, ndakai lapini kunondi mwi zina lyakwe Leza ukuti muli nu kulanga uluse ku ang'anda yane wakwe vino nemo namucitile. Mumpeele ni cimanyililo icakusininkizizya

Kufuma 12:11

Lino mulalya muce mucite vii. Muce munyepe mingila inu ni misipi inu mu misana. Muce muzwale ndyatu zinu ku ngazo. Muce muleme intuwa zinu mu minwe, nga pakulya muce mulye zuwazuwa. Cimulo cii ca Ucilo icakucindika Nene ne Yawe.

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Kufuma 12:7

Lyene mu ng'anda muno yalaliila inyama yace yatole uwazi umwi uwa nyama nu kupaka ku meema na pali pungwe wa ng'anda.

Yoswa 2:18

suka sile ndi waca wanyepelela umwando uyenzu ukwi windo, lilya kwene lino waliwatufumizyamo nu kutwisizya pansi. Nupya suka sile ndi ulakonganika so na nyoko, na anyonko yakalume na yakaci, na akazi kako yonsi mu ng'anda yako.