Kufuma 10:7 - Amazwi Yakwe Leza 2013

⁷ Lino yacilolo yakwe Falao yuvwa pali cii, yuzya Falao yati, “Uzye umuntu wii tulamuzumilizya kutusomba kufika lilaci? Leka aina Izlaeli aonsi atupu yapite pakuti yakapepe Leza wao. Uzye utaweni vino impanga ya Eguputo yatiyononeka?”

Kufuma 10:7 ပူးပေါင်းရင်းမြစ်များ

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Kufuma 12:33

Aina Eguputo yacincizya aina Izlaeli kuti yakalauke ukufuma mu Eguputo yati, “Mumaleka tufwe ndi mutapisile!”

Kufuma 23:33

Mutakaleke antu yalya ikale mu mpanga inu, ndi mwayazumilizya kwikala yalamuteya kuti mwapepa tuleza twao nga mu musango uu, yalalenga kuti mwaifya kunondi.”

Kufuma 7:5

Lilya lino ndaomvya maka yane panoyali nu kufumya aina Izlaeli mu Eguputo, alino aina Eguputo yalamanya ukuti Nene indi Yawe.”

Kufuma 8:19

Alino amamanyamano yanena Falao yati, “Leza uwatacita cii!” Lelo Falao akoma umwenzo wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Mapinda 29:6

Umuntu umwipe walyata ingazo zyakwe apa nkose zyakwe. Lelo wiyo akacita vyaololoke wene akaya ni nsansa zitupu nu untungwa.

Kasambilizya 7:26

Nazanyile icintu cimwi iciwaye ukuluta imfwa, umwanaci wene wakola ulukose. Icitemwiko cino wene akalanga ku onsi cikalema antu wi sumbo, alino amakasa yano akakumbatila umonsi yakafyela wa munyololo. Umonsi wino akazanzya Leza angapusuka ku mwanaci wiyo, lelo kaifya alalemwa ku mwanaci wii.

Ezaya 14:20

Apa mulandu wakuti wononyile impanga yako, nu kulovya antu yako, utalatala uzikwe wakwe yamwene yauze. Kutalapusuka nanti wenga mu akazi kako, alukang'ansi.

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Yelemiya 48:4

Impanga ya Moabu yatiyononeka. Inkuuta zyao zikuvwika mpaka nu ku Zoa.

Yelemiya 51:8

Babiloni yalamwiukizya, nga nawe alapona nu kukontoka. Fwandi mulosyini mwe! Mulondelini umulembo wakupaka pa vilonda vyakwe, limwi angapola.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

1 Kolinto 7:35

Nkulanda vintu vii, pano nkulonda kuti mwazwe. Nsyakwezya kwika viindo pano muli. Lelo mu cifulo cakwe cico, nkulonda kuti mwacita cisuma nupya icampomvu, nga nu kuipelesya mweisikulu ku kutumikila Mwene kwaula ca kumupumvyanya.

Yoswa 23:13

lyene mumanye nu kusininkizya ukuti Yawe Leza winu alata ukuzinga antu amu nko zi pa manso inu. Lelo yene yalaya wa viteyo ni nkose kunomuli. Nupya yalaya akalipe wakwe swepu pa matundu inu nanti wa myunga mu manso inu. Vii vyonsi vilamucitikila mpaka mukalowe pyu umu mpanga kwene ii isuma, ino Yawe Leza winu watamupeela.

1 Samueli 18:21

Saulo pali pakwelenganya ati, “Eya! Nkance mupomele Mikala, ukusuka amulyombeleke pakuti aina Filisti ali yano yace yamukome.” Acino Saulo anena Davidi iila lyakwe ciili ati, “Wapelwa akasita nakauze akakuya umukwi wane.”

1 Samueli 5:11

Acino nupya kwene iyakonganika intunguluzi zyonsi izya ina Filisti nga yavwanga iyati, “Fumini Mbokosi ii iya Upangano yakwe Leza wa ina Izlaeli nga muiswilizye kuno mwaifumizye, pakuti itatukoma pamwi na antu itu.” Pasi pano lyene calesile intete izikalamba sana pamulandu ni imfwa izyacitikanga mu musumba ulya.