Kufuma 10:16 - Amazwi Yakwe Leza 2013

¹⁶ Lyene Falao kwaula ukusumba insita atuma akuya ama Mose na Aaloni nga aiza ayanena ati, “Natinifya kuli Yawe Leza winu nga nakuli mwemwe kwene.

Kufuma 10:16 ပူးပေါင်းရင်းမြစ်များ

2 Samueli 19:20

Musambazi imanyile ukuti nifya, nupya uli mulandu uno ilelo nene naya uwankolelo mu amu mutundu wakwe Yosefu ukwiza kunoli ku kukomenkanya, we mwene wakwisaci.”

2 Samueli 24:10

Lelo pacisila lino Davidi wamala ukupenda antu, kampingu wakwe atandika ukucululuka, nga anena Yawe ati, “Natincita iifyo ilipisye apakucita icintu cii! Napapata unjelele. Nemo natincita icauwelewele.”

2 Samueli 24:17

Lino Davidi walola umungeli uwakomanga antu, anena Yawe ati, “Nene ndi nu mulandu, nupya nene natinifya. Uzye antu yaa apelelwe yacita cani? Ulinzile ukuvunuka nene sile pamwi na aluko lwane.”

Kufuma 8:25

Lyene Falao atuma akuya ama Mose na Aloni, nga ayanena ati, “Pitini mukapeele impolelwa kuli Leza winu, lelo mutafuma mu mpanga ya Eguputo.”

Kufuma 8:8

Lyene Falao atuma akuya ama Mose na Aloni, ayanena ati, “Pepini kuli Yawe kuti asisye yacula, alino nani namaleka antu inu kuti yapite, pakuti yakapele impolelwa kuli Yawe.”

Kufuma 9:27

Falao atuma akuya ama Mose na Aaloni nga aiza ayanena ati, “Ndakai nazumila ukuti natinifya. Yawe umololoke. Nene na antu yane sweswe yaponge.

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

Mpendwa 21:7

Alino antu yiiza kuli Mose yamunena yati, “Twatituluvyanya pa kuilizyanya kuli Yawe na kuli wewe kwene. Si tupapatileko kuli Yawe, pakuti afuntusye inzoka zii kunotuli.” Acino Mose nawe ayapapatila kuli Yawe.

Mpendwa 22:34

Balamu ali pa kwasuka mungeli ati, “Natinifya pano icumi ntalimanyile ukuti awewe uwimilile mu museo kuti uncilikile. Fwandi lyene ndi cakuti ulendo wane utakuzanzizye, kambwelele.”

Mateo 27:4

Lyene ayanena ati, “Nati nifya pa kukoopa umuntu uwakaele kuti afwe.” Nao yamunena yati, “Uzye cico cingatusakamika? Wewe umanye vyakucita.”

1 Samueli 15:24

Lyene Saulo anena Samueli ati, “Natinifya. Nakanyile ukulondela ilamulo lyakwe Yawe na vino wantungulwile. Noofile asilika nga incita vino yalondanga.

1 Samueli 15:30

Saulo nawe avwanga ati, “Natinifya. Lelo napapata ncindike sile nanti iila lyonga pa manso ya ntunguluzi zya antu yane na pa manso ya ina Izlaeli. Katuswilile sile swensi pakuti inje nkafukame nu kupepa Yawe Leza wako.”

1 Samueli 26:21

Lyene Saulo avwanga ati, “Natinifya. Wela kuno, we Davidi mwanane. Pamulandu wakuti ilelo wemo waliwasakamala umi wane, nani ntakutala nezye ukucita cimwi iciipe kunuli nupya. Cumi kwene nemo nincita uwelewele nupya ninduvyanya sana.”