Kufuma 1:7 - Amazwi Yakwe Leza 2013

⁷ Lelo vizikulula vyao, aina Izlaeli, yavyala ana avule cuze. Impendwa yao ikula cuze yaya na maka, cakuti yalimba impanga yonsi ya Eguputo.

Kufuma 1:7 ပူးပေါင်းရင်းမြစ်များ

Utandiko 1:20

Nupya Leza avwanga ati, “Mu manzi kamuye viumbwa vya umi vya misango ni misango musenyantumba.” Nga ni vyunyi vyapapuka mu lwelele.

Utandiko 1:28

Nga Leza ayapolelela, ayanena ati, “Muvyalane muvule mulimbe insi yonsi nu kuyangalila. Namupeela uwangalizi pa nswi, ivyunyi ivikapapuka ni nyama zyonsi zyamu nsi.”

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Utandiko 13:16

Ndasandulula amu mupanda wako, cakuti umuntu nga angapenda lusenga lwa pansi, ale lyene angayapenda.

Utandiko 15:5

Alino Yawe amufumya panzi, nga amunena ati, “Lingamila umwiyulu nga upende intanda, ndi ungazipenda. Vii avino ana yako yalavula wa ntanda.”

Utandiko 17:16

Ndamupolelela nga nawe alakuvyalila umwana umonsi. Ndamupolelela alaya a nyina wa nko zyonsi. Mu mupanda wakwe mulafuma aene.”

Utandiko 22:17

Nalaya ukuti ndakupeela ana avule cuze, nu kuvula kwao kulaya wa ntanda zya mwiyulu, nanti wa musensenga uwamu nkumba yakwe yemba. Ana yako yalacimvya anisi yao.

Utandiko 26:22

Asuka Isaki afumako aya kuze, nako aya aimba cifula. Kwene kutali kulemanila pa cifula cico. Caleka acitemela izina ati Leoboti, ala akuti, “Ndakai Yawe watatupela incende apavungulwike pa kwikala, nga na antu itu yalasanduluka mu mpanga kwene ii.”

Utandiko 26:4

Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Utandiko 28:14

Ndalenga kuti ana yako yavule wa musensenga uwamu nkumba yakwe Yemba. Ana amu mupanda wako yalasalangana ukuya mu ntunga zyonsi izya nsi. Kupitila munuli nu mu amu mupanda wako indapolelela antu amu nko zyonsi.

Utandiko 35:11

Nupya Leza ati, “Nene Leza Wamaka yonsi. Mulinzile kuvyalana muvule. Inko izingi zilafuma munuli, nga ulaya cikolwe ca ene.

Utandiko 46:3

Leza avwanga ati, “Anene Leza, Leza wakwe so. Utuvwa intete zya kutentemukila ku Eguputo, pano kuku akuno ndalenga amu mupanda wako ukuya uluko lukulu cuze.

Utandiko 47:27

Aina Izlaeli yikala mu Eguputo ku muputule wa Gosyeni. Yaya akama nupya yavyala ana avule cuze.

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

Utandiko 48:4

Wanenyile ati, ‘Ndalenga kuti uvyale ana avule, pakuti amu mupanda wako yakaye inko zivule. Ndapeela impanga ii ku amu mupanda wako kuti iye impanga yao amanda pe.’ ”

Utandiko 9:1

Leza apolelela Nowa na ana yakwe ati, “Vyalalini musanduluke muce mulimbe insi yonsi.

Neemiya 9:23

Wasandulwile ana yao aonsi kwati intanda zya mwiyulu, nu kuyatwala umu mpanga ino walavile kupeela ivikolwe vyao. Yingile mwenemo nu kupoka yaiposile.

Masamu 105:24

Leza ali pakusandulula ana yakwe, wayapeela na maka ukuluta apa anisi yao.

Masamu 107:38

Ayapolelela iyavyala na ana avule, nu kuteeka amaufyo ya viteekwa aula ukucepelako.

Kufuma 1:12

Lelo camupamba, lino aina Eguputo yazunya aina Izlaeli wakwe cimwi, alino impendwa ya ina Izlaeli ikulilako cuze, nga yasalangana mu mpanga ya Eguputo. Aina Eguputo iyatandika koopa aina Izlaeli.

Kufuma 12:37

Aina Izlaeli yakatuka ulendo ukufuma ku musumba wa Lamesesi ukuya ku musumba wa Sukoti. Aonsi apenzilwe yali manye 600,000, kufumyako anaci na ana.

Kufuma 5:5

Mwe ina Izlaeli mwatimuvula cuze mu mpendwa ukuluta aina Eguputo. Lyene we Mose na Aaloni mukulonda musye antu yatatwalilila ukuomba vwile!”

Ezekelo 16:7

Nawe wakula, wasuka waya sile uwikolo ukulingana ni ciimo cakutwalwa. Wamela maele ni nyele zyako zyakula zyavunda wakwe cimwi, lelo ala usile sile tupu.

Milimo 13:17

“Leza wa ina Izlaeli wasolwile vikolwe vitu, nga aleka antu itu yaya luko lukulu lino yali atandazi mu mpanga ya Eguputo. Lyene Leza ayafumya na maka mu Eguputo

Malango 10:22

Ivikolwe vinu vino vyatentemukile ku Eguputo vyali sile antu amakumi cinimbali. Lelo ndakai Yawe Leza winu uwalenga kuti musande wa ntanda zya mwiyulu.

Malango 26:5

Lyene nawe ulalanda amazwi inkolelo yakwe Yawe Leza winu uti, ‘Cikolwe cane cali icina Alamu, cico icalulumbanga, nupya caile ku Eguputo pamwi nu lupwa lwaciko. Lino yaile kweneko yali akaliumba akanono sile, lelo mukuya amanda iyasuka yansanduluka iyaya umutundu wa maka.