Kufuma 1:22 - Amazwi Yakwe Leza 2013

²² Pa kusyalikizya umwene wilya apeela ilamulo ku antu yakwe yonsi ati, “Mwana wensi umonsi uwavyalwa ku Ayebulai alinzile asumbwe mu Luzi lwa Nailo. Lelo ana yao yakaci yonsi muyata sile.”

Kufuma 1:22 ပူးပေါင်းရင်းမြစ်များ

Utandiko 41:1

Lino papita myaka iili Falao alota aimi mu mbali ya Luzi lwa Nailo.

Masamu 105:25

Walesile aina Eguputo ukupata antu yakwe nu kucitila aomvi yakwe ucenjezi.

Kufuma 1:16

“Lino mukwazwilizya anaci Ayebulai pa kuisapula kwao konsi, ana yao ndi aonsi mwayakoma, lelo ndi anaci yene muyata sile.”

Kufuma 2:6

Lyene lino watupula alola ukuti muli umwana umonsi, nga auvwila umwana wilya ulanda pamulandu wakuti ala akulila. Alino avwanga ati, “Nanti ciye uli umwana wii uwa Muyebulai.”

Mapinda 1:16

Pano yene yakasimwilila uku kwifya, nu kukalaukila uku kuzwisya uwazi.

Mapinda 27:4

Ulufyengo ni cipyu vyonsi ivya ononyi. Lelo uzuwa wene waluta pali vyoili.

Mapinda 4:16

Pano yene pakulala utulo, suka yatala yaifya. Yasilola utulo suka sile yatala yacitapo cimwi iciipe uku muntu.

Milimo 7:19

Wene wali nu usomvi pa antu itu, nupya wali nu uluku kunoyali, nu kuyapatikizya kuti yasumba utwana twao kuti twafwa.

Ayebulai 11:23

Utailo uwalenzile kuti akwasi yakwe Mose yamufise myezi itatu pacisila lino watavyalwa. Yene yaweni ukuti umwana muyembe nga yatuvwile intete zya kuntayela ilamulo lyakwe kateeka.