Kufuma 1:20 - Amazwi Yakwe Leza 2013

²⁰ Caleka yanakambuza yapolelelwa pamulandu wakuti yopanga Leza. Nupya Leza alenga yanakambuza kuti yavyale ana yao, nga nu kukwata aizikulu.

Kufuma 1:20 ပူးပေါင်းရင်းမြစ်များ

Masamu 103:11

Ndi vino iyulu lyavimbilikizya insi yonsi, avino nu luse lwakwe lwaya kuli yano yakamoopa.

Masamu 111:5

Aliwe akateyanyizizya antu yakwe amukwatila icoopo, icakulya nupya asiilila nanti panono uku upangano wakwe.

Masamu 145:19

Wene akapeela ivikalonda akamoopa, akauvwa ukukuuta kwao nu kuyatuula.

Masamu 61:5

We Leza, ala ivilayo vyane watuvyuvwa, nupya watumpela ni vyaupyanyi vyakwe yalya kwene akakucindika.

Masamu 85:9

Cumi kwene, wene akalonda ukupususya yayo akamoopa, alino lyene nu lulumbi lwakwe luloleke umu mpanga itu.

Kufuma 1:12

Lelo camupamba, lino aina Eguputo yazunya aina Izlaeli wakwe cimwi, alino impendwa ya ina Izlaeli ikulilako cuze, nga yasalangana mu mpanga ya Eguputo. Aina Eguputo iyatandika koopa aina Izlaeli.

Kufuma 1:19

Yanakambuza nayo yaasuka Falao yati, “Musambazi, anaci Ayebulai yasi wa anaci aina Eguputo. Yene pa ukulu yakaisapula zuwa kwaula kucula. Nupya ana yao yakavyalwa ala nanti aumwi uwa munotuli atacili afike kunoyali.”

Kufuma 1:7

Lelo vizikulula vyao, aina Izlaeli, yavyala ana avule cuze. Impendwa yao ikula cuze yaya na maka, cakuti yalimba impanga yonsi ya Eguputo.

Mapinda 11:18

Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Kasambilizya 8:12

Umuntu muyi nanti angatala imilandu umwanda onga, lelo wene angikala sile ningo. Endi, nemo kwene cino namanya icakuti antu yano yakaoopa Leza yene yakaya nu longo.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Mateo 10:42

Na wino wensi alapeela lwako lwa manzi azuke kuli wenga uwamu alondezi yane, pamulandu wakuti wene mulondezi wane, cumi namunena vino Leza atalaposiwa kumulambula.”

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Luka 1:50

Kufuma ku nkulo yonga kufika ku yuze akalanga mizu kuli yano akamucindika.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.