Kolose 4:6 - Amazwi Yakwe Leza 2013

⁶ Mvwango zinu zilinzile kuya zisuma nupya zyakuzanzya antu, nupya mulinzile kumanya musango uno mungaasukilamo umuntu ali wensi.

Kolose 4:6 ပူးပေါင်းရင်းမြစ်များ

1 Milandu 16:24

Kosolini ululumbi lwakwe, ku antu amu nko zyonsi, mulande ivicitwa vyakwe vyamaka ku antu a mpanga zyonsi.

Masamu 105:2

Mwimbilini, mwimbilini amalumbo, mwalazye ivipezyamano vyakwe vyonsi!

Masamu 119:13

Vyonsi sile vino akanwa kako kakapingula, visipuswa apa mulomo wane.

Masamu 119:46

Indataka amasunde yako kuli yamwene, ni nsonyi ntaluvwa foo.

Masamu 45:2

Wemo wewe monsi umwi umusuma ukuluta yonsi nupya wewe kavwanga umwi akavwanga usaka sana. Umu cumi, Leza wakupolelela insita zyonsi.

Masamu 66:16

Mwe! Mwemwe mwensi mwe muno mwakwatila Leza icoopo, ndanji muvwe, namamunena vino Leza wancitila.

Mapinda 10:21

Amazwi ya muntu musuma yakasambilizya antu avule, lelo iviwelewele vyene vikafwa pamulandu wakuulilwa amano.

Mapinda 15:4

Amazwi amutembo yali wa muti uno ukapeela umi, lelo amazwi aukali yakacisa umwenzo.

Mapinda 15:7

Imilomo ya muntu wa mano ikasansanta ukumanya, lelo umwenzo waciwelewele wene usicita vivyo.

Kasambilizya 10:12

Ivilandwa vya muntu wa mano vikamuletela ucindami. Lelo ivilandwa vya ciwelewele vikaciletela umusaalula.

Ezekelo 43:24

Ukavilete vyonsi kuli ne Yawe na yasimapepo yace yakavisanse umusilya, yakavituulile ne Yawe impolelwa yakoca.

Aina Levi 2:13

Amawila yako yonsi ya cakulya ulinzile wacemekamo musilya, utailila foo. Musilya uwo uwakulanga upangano pakasi kakwe wewe na Leza wako. Ulinzile kucemeka musilya mu mawila yako yonsi ya cakulya.

Mateo 5:13

“Mwemo mukoline wa musilya wa antu onsi. Lelo musilya ndi wazunduka, uzye nupya ungaukalifya na cani? Wene ungaya uwakusumba sile nu kulyatwa na antu.

Mako 9:50

“Umusilya uusuma, lelo ndi wazunduka uzye nupya ungaukalifya uli? Uwikazi winu uye kwati ucemekwe nu musilya nga muye nu mutende pakasi kinu.”

Luka 4:22

Antu yonsi yavwanga visuma vya pali aliwe, nga yazunguka pa mazwi asuma yano wavwanzile. Yavwanga yati, “Uzye wii asi mwana wakwe Yosefu?”

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Malango 11:19

Mwayasambilizya ku yana yinu. Mwayataka lino muli pa ng'anda, lino muli pa lwendo, lino mukupuza, na lino mukuomba.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

1 Petulo 3:15

Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.