Kolose 4:18 - Amazwi Yakwe Leza 2013

¹⁸ Ni kasa lyane nemwisikulu nalemba cii. Ulau kufuma kuli ne Paulo. Mutailila ukuti nemo indi mu ng'anda yaminyololo! Cikuku cakwe Leza ciye namwe.

Kolose 4:18 ပူးပေါင်းရင်းမြစ်များ

Loma 16:20

Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.

Loma 16:22

Nani ne Telitasi, kalemba wakwe kalata wii, natuma ulau wa muli Klistu.

Loma 16:23

Mwine ng'anda Gayusi, muno Iuvi likakongana, nawe kwene watuma ulau. Elasita, kasunga wa cipao camu musumba, nga nu mwina witu Kwatosi, nayo kwene yatuma ulau.

1 Kolinto 16:21

Ne Paulo nkumulembela mazwi yaa ni kasa lyane.

2 Kolinto 13:14

Cikuku ca Mwene witu Yesu Klistu, nu kutemwa kwakwe Leza, nu utandano wakwe Mupasi Wamuzilo viye namwe mwensi.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Kolose 4:3

Pa nsita ili imwi kwene naswe kwene mwatupepelako, pakuti Leza atupeele kasita kasuma aka kukosola ilandwe lyakwe ilya nkama yakwe Klistu. Pano uli mulandu uno nemo ndakai nayalilwa mu ng'anda yaminyololo.

2 Tesalonika 3:17

Ne Paulo, nalemba kalata wi ni kasa lyane uwa kumulamuka. Vii avino nkalemba lyonsi.

1 Timoti 6:21

Pano yamwi yakati yakweti ukumanya kuu. Lelo pa kutaila muvwango uu yene yaponzya utailo. Cikuku cakwe Leza ciye namwe mwensi.

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

2 Timoti 4:22

Mwene asunge umi wako. Cikuku cakwe Leza ciye namwe mwensi.

Tito 3:15

Onsi yano tuli nao yakumulamuka. Mutulamukile yacuza itu mu utailo. Cikuku ca Mwene ciye namwe mwensi.

Ayebulai 13:25

Cikuku cakwe Leza ciye namwe mwensi.

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.