Kolose 3:9 - Amazwi Yakwe Leza 2013

⁹ Mutatumpokana pano mwemo mwafumako ku umi wa mpiti ni micitile yakweo yonsi,

Kolose 3:9 ပူးပေါင်းရင်းမြစ်များ

Mapinda 13:5

Uwatemwa Leza wapata ufi, lelo ivicitwa vyakwe kaifya ivyawinyi ni nsonyi.

Ezaya 63:8

Nawe Yawe ali pakuvwanga ati, “Cumi cumi yaa ali antu yakwe nene, ali ana yane yano yatalatala yansangukile foo.” Fwandi ali cino nawe wayapususya kweneko,

Aina Levi 19:11

“Mutaiya nanti kusomba nanti kutumpoka.

Zefaniya 3:13

Aina Izlaeli alasyalapo yatalifya ku muntu awe. Yene yatalatumpoka awe, nanti ukulanda ivyaucenjezi, foo. Yalaya nu longo nu kuikalila uku matwi cele, ukwaula nanti aumwi uwakuyasonsomba.”

Zakaliya 8:16

Vino mwemo mungacita sile aivi, mwalanzyanya ivyacumi. Mu matengo ya milandu mwaputula imilandu nu ulungami apakuleta ulongo.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

Efeso 4:22

Caleka tiini kucita micitile iipe iyampiti, ni miyele yakweyo yonsi ino ingamulovya.

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Kolose 3:8

Lelo ndakai mulinzile kufumako ku vintu vii. Mulinzile kutaluka ku kusoka, cipyu, nga nu lupato. Mutatukana nanti kulanda vya winyi.

1 Timoti 1:10

Masunde kwene yaa yapeelwa pamulandu wakwe yakalongozya na akaulungana na onsi yauze, akaiya antu, antumpu na akapeela umboni waufi nanti cintu cili consi cino citalingine nu usambilizyo usuma.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.