Kolose 3:3 - Amazwi Yakwe Leza 2013

³ Pano mwemo mwafwile, icikusenula ukuti umi winu wafiswa pamwi na Klistu muli Leza.

Kolose 3:3 ပူးပေါင်းရင်းမြစ်များ

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 5:21

Pano vino Tata akatutulula afwe nu kuyapela umi, avino nu Mwana kwene akapeela wino akasi umi.

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Yoane 5:40

Lelo nalyo kwene mwemo mutakasi kwiza kunondi kuti muye nu umi wape.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Loma 5:21

Caleka ndi vino iifyo lyateekanga kupitila mu mfwa, avino ni cikuku cakwe Leza kwene cikayateeka kupitila mu kuyacita kuya aololoke pa manso yakwe Leza, nu kuyatungulula ku umi wape muli Yesu Klistu, Mwene witu.

Loma 6:11

Mu musango uli onga kwene namwe muipende kuya wa antu afwe, ku maka yano maifyo yakwata, lelo muye aumi mu utandano na Leza muli Yesu Klistu.

Loma 6:2

Awe citangaya! Ndi twafwa nu kufuma mu maifyo, uzye lyene tungatwalilila kwifya uli?

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

1 Kolinto 2:14

Muntu wino asi na Mupasi, wene atangapokelela mawila yakwe Mupasi wakwe Leza. Muntu uwa musango uu, atangiluka vintu vya Mupasi. Kunoli visisenula cimwi, pano vikalondekwa kuya nu Mupasi Wamuzilo kuti muntu avyuvwe.

2 Kolinto 5:14

Kutemwa kwakwe Klistu ukukatupindulula pano twamanya kwaula kutwisika kuti muntu wenga wafwilile antu onsi, lyene swensi kwene twakuma ku mfwa yakwe.

2 Kolinto 5:7

Lelo tukaikala umi wakutaila, usi uwa pali vino tukalola.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Efeso 3:9

Nukuleka antu yalole vino kuteyanya kwankama yakwe kulaomba. Leza wino uwaumvile vintu vyonsi walondanga kuti nazwilizye cila muntu kumanya nkama yakwe ino wafisile ku antu amu mikulo yonsi yampiti.

Filipi 4:7

Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.

Kolose 1:5

Utailo nu kutemwa vyoili vimikwa pali cino mukapaalila cino Leza wamusungila kwiyulu. Muvwile pa upaalilo lino Ilandwe lya cumi, Ilandwe Lisuma lyakosozilwe nkolelo kuno muli.

Kolose 2:20

Mwemo mwafwa pamwi na Klistu, pano mwafuma kukusambilizya kwa vintu vyamu nsi. Uzye lyene pacani mukwikala kwati mwemwe amu nsi? Pacani mukayela utantiko wa ntambi zyakuti,

Kolose 2:3

Klistu ali mfungulo ya kumanya nkama yakwe Leza, nga mano nu kumanya konsi vyafiswa munoli.

Kolose 3:4

Umi winu uwa cumi a Klistu nga lino alaloleka, lyene namwe kwene mulaloleka pamwi nawe nu ku kumako kululumbi lwakwe!

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

1 Petulo 3:4

Lelo kuyemba kwinu kulinzile kuya ukwa mukasi kinu, ukwa kukwata myenzo ifuke nupya itekele manda pe. Pa manso yakwe Leza cii icili campomvu kuluta.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

Umbwilo 2:17

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela mana uwafiswa. Nupya cila wenga uwa munoyali ndamupeela iwe litiswe pano palembwa izina lipya, ililamanyikwa kuli aliwe asi kuli wensi.