Kolose 3:11 - Amazwi Yakwe Leza 2013

¹¹ Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.

Kolose 3:11 ပူးပေါင်းရင်းမြစ်များ

Masamu 117:2

Pano uluse lwakwe ulwa muyayaya, ulukalamba. Na ucumi wakwe nao uwa pe na pee.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ezaya 52:10

Yawe watavimbula ikasa lyakwe lyamuzilo pa manso ya antu ya mitundu yonsi. Alino lyene impela zya nsi zyonsi zilalola ufyusi wakwe Yawe Leza witu.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Ezekelo 47:22

Mulayankana kukuya icuma cinu caupyanyi pamwi na enyi alikala kuno muli, avyala na ana kuno muli, pano mulinzile kuyacitila wa akaya ya ina Izlaeli. Yali nu kwankanyiziwa ca upyanyi cao pamwi namwe mu mitundu yakwe Izlaeli.

Oseya 2:23

Nemwisikulu ndiika antu yane aina Izlaeli mu mpanga ilya kuti yaye akwane. Ndalanga ulukundo kuli wiyo akaamwa ukuti ‘Asi mukundwe wane.’ Antu yano yakaamwa ukuti ‘Yasi antu yane,’ ndayanena inti, ‘Mwemwe antu yane.’ ”

Amosi 9:12

Acino pa nsita kwene ilya aina Izlaeli asyalapo yalacimvya ivyasyala vyamu Edomu, kumwi ni nko zyonsi zino zyamanyike ukwi zina lyane.” Avino Yawe wavwanga, wino alacita vintu vino walanda.

Mika 4:2

Antu amu nko zivule yaliza, nga yalavwanga yati, “Tuini tukwele uku mwamba wakwe Yawe, ku Ng'anda yakwe Leza wakwe Yakobo. Wene alatusambilizya vino akasi kuti twacita, nga naswe tumapitanga umu nzila zyakwe. Pano uku Zioni ukulafuma usambilizyo wakwe, uku Yelusalemu ukulafuma amazwi yakwe Yawe.”

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Yoane 15:5

“Nene mutingi namwe mwemwe misambo. Wino wensi wikala munondi, nga nani munoli, wene akaseeka vizao vingi. Pano mutangacita cimwi kwaula nene.

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

Milimo 15:17

Alino na antu yauze yonsi yalalonda Mwene, pamwi na Akulukuwa yonsi yano nama kuya antu yane.

Milimo 28:2

Antu yali asuma kunotuli. Alino imvula itandika kutonya ukuya ni mpepo. Caleka swensi yatuzengela ningo nga yatupembela umoto.

Milimo 28:4

Lino antu akucilila cii yalola inzoka ala ikunyinyinda kwi kasa lyakwe Paulo yavwanga yati, “Muntu wii alinzile kuya inkomi, lelo nanti angala watapusuka ku manzi, Leza wa ololoke atakumuleka aye umumi.”

Loma 1:14

Pano nemo indi nu mulimo wa kutumikila umuntu ali wensi, musambilile nu mututu, uwa mano na mbulwa mano kwene.

Loma 10:12

Pano pasi kasoozi pa Muyuda nu Mukulukuwa. Pano Leza wene Mwene wa antu onsi, nupya akapolelela antu yonsi yao akamulenga kuti ayazwe.

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

Loma 3:29

Nanti uzye Leza a Leza wa Ayuda sile? Uzye na Akulukuwa kwene asi a Leza wao? Cumi kwene a Leza wao.

1 Kolinto 12:13

Mu musango uli onga kwene, swensi kwene, Ayuda nanti Akulukuwa, azya nanti antungwa, twawatiziwe na Mupasi Wamuzilo ali umwi kwene kuti tuye mwili onga. Nupya swensi twapokelela Mupasi Wamuzilo wenga kwene.

1 Kolinto 14:11

Lelo ndi nemo ntanguvwa mazwi ya cilimi cikulandwa vino yakusenula, ale umuntu wino akulanda akoline wa mwinamasi kunondi nga nani wa mwinamasi kunoli.

1 Kolinto 7:19

Pano muntu ndi wasilamulwa nanti foo, cisyakusenula nanti cimwi. Cikalamba ukuyela masunde yakwe Leza.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Efeso 1:23

Iuvi lili mwili wakwe Klistu umwazula aliwe wino akazuuzya vyonsi mu ufumaluke.

Efeso 2:14

Pano Klistu umwisikulu uwatuletela mutende pa kulenga Ayuda na Akulukuwa yaye mutundu onga. Umwili wakwe auno wene waomvizye pa koomola lung'umba lwa lupato luno lwatupatukinye mu kutulenga kuya anisi.

Efeso 2:15

Wene wonona ivyalembwa mu mpapulo zyakwe Mose pamwi na Masunde nga ni nkonka zyonsi zyakweyo. Wacisile cii kuti awikizyanye Ayuda nga na Akulukuwa kuti tuye wa mutundu onga upya uno walemana munoli mu mutende.

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

Efeso 3:6

Nkama ii, iyakuti Ilandwe Lisuma lyapali Klistu lyalenga kuti Akulukuwa yakume ku malayo yano Leza walavile Ayuda. Nupya Leza wazumilizye Akulukuwa kuya vilundwa vya mwili onga.

Efeso 6:8

Iusyini ukuti Mwene alalambula umuntu ali wensi, aye muzya nanti muntungwa. Onsi yalalambulwa pa milimo isuma ino yaomba.

Kolose 2:10

nupya mwemo mwapelwa umi umalilike muli aliwe. Wene alusile mipasi nga na maka yonsi asyaloleka.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

2 Yoane 1:9

Muntu asyakulondela usambilizyo wakwe Klistu, nda kapuzya mwenemo wene asi na Leza. Wino wensi akayela usambilizyo wakwe wene ali na Tata nu Mwana kwene.