Kolose 2:8 - Amazwi Yakwe Leza 2013

⁸ Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.

Kolose 2:8 ပူးပေါင်းရင်းမြစ်များ

Lwimbo lwakwe Solomoni 2:15

Tulemelini yankusa, tunkusa tunono, lino tutatalatonona ivyalo vitu vya matingi, vyalo vitu muno matingi yatiyawalula.

Yelemiya 29:8

Pano Yawe Wamaka yonsi, Leza wa ina Izlaeli wavwanga wati, “Mutaleka yamusombe kuli yakasema na yakasapoola yano yikala kuno muli, mutakakutika ku viloto vyao.

Mateo 10:17

Lelo mucenjele na antu, pano yalamutwala ku vilye vya milandu, nupya yalamuma ivikoti mu mang'anda ya mapepo.

Mateo 16:6

Yesu ayasoka ati, “Cenjelini nupya muye apempukile ku citutumusi ca Afaliseo na Asaduki.”

Mateo 7:15

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Milimo 17:32

Lino yuvwile Paulo akulanda pa kuzyukuka kufuma ku afwe yamwi yamusoweka, lelo yamwi yamunena yati, “Nupya tungatemwa ukuvwa vino walanda.”

Loma 16:17

Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke.

1 Kolinto 10:12

Wino wensi akwelenganya ukuti aimi nu kuzyansya, wene alinzile kutekela kuti atapona.

1 Kolinto 8:9

Lelo mucenjele nu untungwa winu uo pa kucita vintu, pano ungaya cisiki cakuponya atonte asi nu utailo ukome.

2 Kolinto 10:5

nga ni citutumusi cino cikalenga kuti muntu ali wensi atamanya Leza. Swemo tukaongola melenganyo ya antu nu kulenga kuti yayela Klistu.

Galatiya 1:14

Nemo nalusile Ayuda yanji, yano tuine myaka mu kulondela upefi wa Ciyuda, nupya nali muipelesye mu kulondela ntambi zya vikolwe vitu.

Galatiya 4:3

Vii, avino cali na kuli sweswe. Twali wa ana atungululwanga na masambilizyo ya ntambi zya nsi.

Galatiya 4:9

Lelo ndakai mwamanya Leza, nga kuluta pali cii, Leza nawe wamumanya. Uzye lyene mungaswilila uli ku kutekwa uzya ni ntambi zya nsi zisi na muzano nupya zikalenga insonyi?

Galatiya 5:15

Lelo ndi micitile inu yaya wa micitile yanyama, kulwisyanya nu kucisana, mucenjele pano limwi mungasila kuyonona.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Efeso 4:20

Vii asi vino mwasambiliziwe pamulandu wakwe Klistu.

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

Malango 6:12

muce mutekele pano limwi mungazana ukuti mwilila Yawe uwamufumizye mu Eguputo, muno mwali azya.

Filipi 3:2

Cenjelini na antu ankalwe wakwe yasimbwa. Kuli kuti yakacita ya viipe aonsi akakonkowezya kuceka nkanda ku mili.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Kolose 2:20

Mwemo mwafwa pamwi na Klistu, pano mwafuma kukusambilizya kwa vintu vyamu nsi. Uzye lyene pacani mukwikala kwati mwemwe amu nsi? Pacani mukayela utantiko wa ntambi zyakuti,

Kolose 2:22

Vii vyonsi vikaya vyasilesile pacisila cakuviomvya. Vyene a masunde na masambilizyo ya antunze.

Kolose 2:23

Kwene kusambilizya kwa musango uu kukaloleka kwati ukwa mano, kwakupatikizya ukupepa, nu kuicefya kwaufi, nu kucuzya imili uluku uluku. Lelo kutakweti amaka yakukanya vino mwili ungalonda.

1 Timoti 6:20

We Timoti usunge ningo vintu vino walasikwa. Utakumako ku mazwi a cilandelande nga ni vikanza vyakutumpa vino antu yamwi mukuluvyanya kwao yakati, “Ukumanya.”

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

Ayebulai 13:9

Mutaleka usambilizyo nanti umwi uwa musango onsi umupumvyanye nu kumufumya umu nzila isuma. Cili cisuma kuti myenzo inu ikomeleziwe ni cikuku cakwe Leza, lelo asi mukuyela malamulo pamulandu wa vyakulya. Yao akayela malamulo yaa citayazwa foo.

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.

1 Petulo 1:18

Pano mwamanya malipilo yano apilwe pakuti muye antungwa kufuma ku wikazi uwa ciwelewele uno mwasambilile ku vikolwe vinu. Malipilo yaa yatakoline wakwe siluva nanti zaabu wino akaononeka.

2 Petulo 3:17

Lelo mwemo yacuza, mumanyile cii mpiti. Cenjelini, kuti kuluvyanya kwakwe yakaifya kutamutungulula kuti mupone mu utailo.

2 Yoane 1:8

Cenjelini kuti mutaponzya cino mwaombela. Lelo mwezye na maka kuti mukapoke icilambu icipuma.