Kolose 2:19 - Amazwi Yakwe Leza 2013

¹⁹ Nupya yene yata kulemana pamwi na Klistu, wino ali mutwe wi uvi. Klistu akapeela mwili maka, nupya wene akaomvya vilundwa vyakwe pamwi ni misipa kulundanya vyonsi pamwi, nga ukula ndi vino Leza akalonda kuti ukule.

Kolose 2:19 ပူးပေါင်းရင်းမြစ်များ

Luka 5:38

Acino waini mupya alinzile kwitulwilwa mu nyambi zipya.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Milimo 4:32

Iumba lya antu azumile lyali nu mwenzo onga ni lango lyonga. Kutali wakuti ati vintu vii ivyakwane nenga sile, lelo yonsi yankananga vintu vyao vyonsi.

Loma 11:17

Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

1 Kolinto 1:10

Inane mwi zina lya Mwene witu Yesu Klistu nkumupapata mwensi, kuti, mwazumilizyanya muli vino mwalanda, pakuti kutaya kupaatukana munomuli. Muye alemane cuze a mwenzo onga na melenganyo ali yamwi.

1 Kolinto 11:3

Lelo nkulonda kuti mumanye vino Klistu ali mutwe pa onsi yonsi, nga monsi nawe ali mutwe pa mwanaci. Lelo Leza nawe ali mutwe pali Klistu.

1 Kolinto 3:6

Nemo natile imbezu, Apolo nawe azikontelela manzi, lelo Leza aliwe walenzile kuti zikule.

Efeso 1:22

Leza wika vintu vyonsi pisika lya maka yakwe Klistu, nga pamulandu wa kuzipilwa kwi uvi, wene wamucita kuya Mwene pali vyonsi.

Efeso 1:23

Iuvi lili mwili wakwe Klistu umwazula aliwe wino akazuuzya vyonsi mu ufumaluke.

Efeso 2:21

Klistu awino walundinkanya cikulwa nga nu kuleka kuti cikule nu kuya Ng'anda ikulu yakwe Leza yamuzilo, nupya iyapeelwa ku Mwene.

Efeso 4:3

Ezyini kuombesya na maka mu kuleka Mupasi wakwe Leza amulundanye myenzo. Mwacita cii mukwikala mu mutende.

Efeso 5:29

(Pano kutaya umuntu umwi uwapata mwili wakwe. Mu cifulo cakwe cii, wene akawimula nu kuusunga ningo, wakwe vino Klistu akacitila iuvi lyakwe.)

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Kolose 1:18

Wene ali mutwe wa mwili wakwe, nga mwili kwene uu, iuvi. Wene ali ntulo ya umi wa mwili. Wene ali yeli lyakwe Leza nupya uwazyukwike kufuma ku mfwa, pakuti aliwe wenga sile akwate cifulo cankolelo pali onsi.

Kolose 2:2

Nkucita cii kuti nkomelezye myenzo yao yalundana pamwi mu kutemwa, yene yalapolelelwa pa kupelwa kumanyikisya. Alino yalamanya Klistu ningo.

1 Tesalonika 3:12

Lekini Mwene avuzye kutemwa kuno mwatemwana, nga nu kutemwa antu yauze, ndi vino wavuzya kutemwa kwitu kunomuli.

1 Tesalonika 4:10

Endi, mwemo mwati mulanga mpiti kutemwa ku ina itu yonsi amu Makedoniya. Caleka, ina itu, tukumupapata kuti mucite cii nu kuluta.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.