Kolose 2:18 - Amazwi Yakwe Leza 2013

¹⁸ Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Kolose 2:18 ပူးပေါင်းရင်းမြစ်များ

Utandiko 3:13

Lyene Yawe Leza auzya umwanaci ati, “Uzye pacani cino wali wacita cii?” Umwanaci aasuka ati, “Inzoka yali yansomba, nga nani nalya viseekwa.”

Yobo 38:2

“Uzye wewe weni, wemuno ukuuzikisya nu kuvulunganya vino napingula? Ala mwine Yobo, ukuzaila sile!

Ezaya 57:9

Mukatala imuinonya amafuta ni vintu vyuze ivya cinunu cisuma, alino imuya umu kupepa Moleki kaleza kaluwi. Apakuzana tuleza kwene utuluwi tuno mukapepa, mwemo mukatala imutuma inkombe izya kutali. Ala mukazituma sile waku mazyamo.

Ezekelo 13:3

Yawe Simwandalali wavwanga wati, Isyamo, kuli yao yakasema imbulwamano, akasema ivya mu myenzo yao aeneco, ukwaula kulolapo nanti kamwi!

Danieli 11:38

Umucifulo cakwe cico, wene alacindika leza wino akacingilila imisumba yamalinga. Alapeela amawila yakwe zaabu, siluva, na amawe yamutengo, nga nu kupeela vya mawila vyuze vikankala kuli leza wino ivikolwe vyakwe vitatazile vipepe.

Mpendwa 25:18

pamulandu wakuti yene aatandike ku mulwisya mu ucenjezi wao uno yamucitile ku mulandu wakwe Peoli, alino nu ku mulandu wakwe Kozibi, umwana umwanaci wa ntunguluzi imwi yaku Midyani, umwanaci wino yakomile pa nsita ya mpungo iyaponyile ku mulandu wakwe Peoli.”

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Loma 1:25

Yene yafutatila cumi ca pali Leza nu kutaila ufi. Yene yakapepa nu kutumikila viumbwa vino Leza waumba mu cifulo cakwe kaumba umwisikulu uwalinga kulumbanyiwa pe na pe! Ameni.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

1 Kolinto 13:4

Kutemwa kukateeka mwenzo nupya ukwa luse. Kutemwa kutakwata uzuwa nupya kusyaitutumula nanti kuituumika.

1 Kolinto 3:3

pano micitile inu icili wa micitile ya antu amu nsi. Pakasi kinu mukuzuwilana nu kulemanila wenga nu muze. Uzye cii cisyakusininkizya vino mwemwe amu nsi, mukucita vintu kulingana ni miyele ya muno nsi?

1 Kolinto 4:18

Yamwi munomuli yakuitumika kwati ntaliza ku kumutandalila.

1 Kolinto 4:6

Inane, naomvya Apolo nga na nemwisikulu kuya cilangililo ca kumulangilila vino mazwi yakasenula, yano akati, “Mwalondela ivya tantikwa mu malembelo.” Kutaya nanti wenga uwa munomuli kutasya umuntu umwi nu kusuula muze.

1 Kolinto 8:1

Muli kalata wino mwandembile mwanguzizye pamulandu ni vyakulya vino vyapeelwa mpolelwa ku tuluwi. Cacumi, swensi kwene tumanyile pa cintu cii. Lelo kumanya kwene kuu, kukatulenga kuitutumula pamulandu witu sweisikulu, lino kutemwa kwene kukatulenga kwazwa yauze.

1 Kolinto 9:24

Cumi kwene mwamanya vino antu aingi yakasimula mu kucimvyanya kwa lwilo, lelo umuntu wenga sile akalonka cilambu. Caleka namwe simulini mu musango wakuti mulonke cilambu.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

Malango 29:29

“Kwaya kweneko ivintu vimwi vino Yawe Leza witu atatusokolwela. Lelo wene watusokolwela amasunde yakwe, nga sweswe pamwi na amu mupanda witu tulinzile twayayela amanda pe.”

Filipi 3:14

Caleka nkasimwila ulunga ni cikongwani kuti ince mpelwe cilambu kwiyulu, icili ulwamo lwakwe Leza muli Klistu Yesu.

Kolose 2:23

Kwene kusambilizya kwa musango uu kukaloleka kwati ukwa mano, kwakupatikizya ukupepa, nu kuicefya kwaufi, nu kucuzya imili uluku uluku. Lelo kutakweti amaka yakukanya vino mwili ungalonda.

Kolose 2:4

Nkumunena, lyene, mutaleka umuntu umwi amutumpoke na mazwi antumpu, nanti angala yanguvwika kuya acumi.

Kolose 2:8

Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.

1 Timoti 1:7

Yene yakalonda kuya yakasambilizya ya Masunde yakwe Leza, lelo yatamanya vino yakalandapo nanti cumi pano iimilila.

1 Timoti 4:1

Mupasi Wamuzilo akalanda paswe ukuti mu manda yampela antu yamwi yalafutatila utailo. Yene yalayela mazwi kufuma ku mipasi yantumpu, nga nu kulondela masambilizyo kufuma ku mipasi yankota.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

1 Yoane 2:26

Nkumulembela ukumusoka pali yao akwezya ukumusomba.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Umbwilo 3:11

Nkwiza zuwa. Lemasya cino ukweti, kuti kutaya umwi uwa kukupoka cilambu cako.