Kolose 2:16 - Amazwi Yakwe Leza 2013

¹⁶ Caleka mutaleka umwi amupeele mulandu pali vino mulinzile kulya nanti kumwa nanti kumunena vino mulinzile kuzevya manda ya mwezi upya nanti vya Sabata.

Kolose 2:16 ပူးပေါင်းရင်းမြစ်များ

2 Yamwene 4:23

Iya nawe amuuzya ati, “Uzye pacani cino ukasi kuya kunoli ilelo kwene? Ilelo asi wanda wa Mwezi Upya nanti wi Sabata.” Umwanaci wilya aasuka ati, “Utasakamala!”

1 Milandu 23:31

Alino yalinzile ukucita icili cimwi kwene lino yakupeela amawila yakoca kuli Yawe apa Masabata na pa kuzevya imyezi ipya, nga na pa uzevyo wa vimulo vyuze. Ni vipope vyapilwe ivyakulondolola impendwa ya ina Levi alinzile ukuomba imilimo kwene ii cila nsita. Aina Levi yapilwe umulimo wa kupepa Yawe umuyayaya.

2 Milandu 31:3

Umwene watozile icipande ca vyuma vyakwe umwisikulu, kuti apeele amawila yaa: amawila ya katondo, na mawila ya manguzi, na mawila yapa Masabata, napa wanda wandoleko ya mwezi napa manda yauze amuzilo ndi muno calembelwa mu masunde yakwe Yawe.

Neemiya 10:31

Nupya ndi cakuti ainamasi yiza muno mpanga ni vyakuculuzya, vingaya ingano, ukwiza tukazya pa wanda wi Sabata, tutalezya tukale pa wanda uo nanti apa wanda uze uwamuzilo. Cila mwaka wakwe cinimbali vyalo vitu vilalaaluka, nupya tulafuta inkongole zyonsi.

Neemiya 10:33

Tukaapeela impiya zyakulondela ivintu vii: umukate wamuzilo, amawila ya mbezu, amawila yakoca, amawila yakupeela pa Sabata, amawila yaku ndoleko ya mwezi, na apa manda asontwe a vimulo vya kuzevya, ni vintu vyamuzilo, amawila yakwelela amaifyo ya ina Izlaeli, alino nu kupeela icili consi icingalondwa ku mulimo waku Ng'anda ikulu yakwe Leza.

Neemiya 8:9

Alino lyene umulasi Neemiya, Ezila simapepo na kalemba, nga na ina Levi nayo ale yakulondolwela antu yonsi. Iyayanena iyati, “Uwanda wilelo upolelelwe, upaatwilwe kuli Yawe, Leza winu. Cisi cakwezya kuti muuzikwe nanti ukulukusya aminsozi.” Pano antu yonsi yalilanga aminsozi lino yuvwa amazwi ya Masunde yayo. Ali cino yavwangile vivyo.

Masamu 42:4

Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Masamu 81:3

Mwalizya ni penga apa ndoleko ya mwezi, na lino umwezi wakoma, lino ukaulungana, apa wanda wa kuzevya.

Ezaya 1:13

Amawila inu auwelewele ntayakasi. Icinunu ca ubani uno mukumfutumwila cikundetela umuselu, nkusalokwa. Amanda yakulu inu, ivili wa wanda uwandoleko ya mwezi, Masabata inu na maukongano yauze, nayo kwene nemo nsikuyalonda. Vyonsi vivyo vyativikoweziwa uku viipe vinu.

Ezekelo 4:14

Lelo nani navwanzile nati, “Awe, vivyo foo we Yawe Simwandalali! Nemo ntatala nailikizya. Ukutandikila sile uku ulumendo wane ukufika na pilelo, ntatala nalya icintu iciifwile nanti icilemwe ni nyama zya mpanga. Inyama ya mifitalila itatala ingila umukanwa kane foo.”

Ezekelo 45:17

Alino intunguluzi nayo, ilaya nu mulimo uwakulolekesya apa nyama izilaocewa zya muntu musuma pakuzituula impolelwa, ali ino ilalola na pa mawila ya vyakulya ni vyakumwa, ivilatuulilwako umutundu onsi wa ina Izlaeli pa manda ya uzevyo yonsi, na pa uzevyo wa Ndoleko zya mwezi, na pa Masabata yonsi asontwe. Fwandi intunguluzi iyo iilalokesya pa mawila ya pa maifyo, na pa mawila ya vyakulya, na pa mawila yakoca, na pa lwa mawila a mpolelwa zyautandano, ali mawila yapa kufuta pa maifyo ya ina Izlaeli.”

Aina Levi 16:31

Uwanda uwo uli nu kuya wamuzilo cuze, wanda uno yatalinzile kulya nanti cakulya cimwi. Nupya yatalinzile ukuomba umulimo uli onsi. Malamulo yaa, yali nu kusungwa ku nkulo zinu zyonsi.

Amosi 8:5

Mwemo mukaivwanzya muti, “Uzye umuloleko wa Mwezi Upya ulasila lilaci pakuti tukakazye imbezu? Uzye wanda wi Sabata ulasila lilaci pakuti tukakazye ingano, nu kuti tuomvye ivipimilo vya ucenjezi, nu kukomya umutengo nu kuomvya inteko zya ucenjezi,

Mpendwa 10:10

Alino nu mu nsita zinu zyaluzango, ivili mu manda inu akuzevya myezi ipya nga nu kuzevya kuze ukwasyala ukwa upefi, muce mwalizya intandala pa kupeela amawila inu akoca na autandano. Lyene ndiusya ukumwazwilizya. Nene indi Yawe Leza winu.”

Mateo 15:11

Pasi cimwi cino cikaingila mu mulomo wa muntu cingamukowezya, lelo cino cikafuma mu mulomo wa muntu cene cingamukowezya.”

Mako 7:19

Pano cisiingila mu mwenzo wakwe lelo munda yakwe alino pacisila cikafumila kunzi.” (Mukuvwanga cii Yesu walanzile ukuti vilyo vyonsi vilinzile kuliwa.)

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Loma 14:10

Uzye wemo we muno ukalya sile musalu, pacani ukupingula munyonko akalya cilyo cili consi? Nawe we muno ukalya cilyo cili consi, uzye pacani ukasausya munyonko? Swensi kwene tulimilila pa manso yakwe Leza kuti atupingule.

Galatiya 4:10

Mwemo mukazevya nu kucindika manda, myezi, tusita nga ni myaka imwi.

Kolose 2:20

Mwemo mwafwa pamwi na Klistu, pano mwafuma kukusambilizya kwa vintu vyamu nsi. Uzye lyene pacani mukwikala kwati mwemwe amu nsi? Pacani mukayela utantiko wa ntambi zyakuti,

Ayebulai 13:9

Mutaleka usambilizyo nanti umwi uwa musango onsi umupumvyanye nu kumufumya umu nzila isuma. Cili cisuma kuti myenzo inu ikomeleziwe ni cikuku cakwe Leza, lelo asi mukuyela malamulo pamulandu wa vyakulya. Yao akayela malamulo yaa citayazwa foo.

Ayebulai 9:10

Cili vivyo pamulandu wakuti vyene vikaomviwa mu malamulo ya milile, nu kumwa nga ni misango ipusanepusane iya kuswefiwa. Vii vyonsi amalamulo ya pa vintu vino vikaloleka, yano yakuomba kufika lino Leza alaleta utantiko upya.

Yakobo 4:11

Mutapelana milandu, inane. Wino wensi akapeela mwina Klistu muze mulandu nanti kumupingula, ala wene akusula masunde nu kwezya kuyapingula.

1 Samueli 20:18

Lyene Yonatani anena Davidi ati, “Mutondo uli wanda wakutandika kwa Cimulo ca Mwezi Upya. Wemo utalazanwa penepo, pamulandu wakuti ncende yako patalikala umuntu.

1 Samueli 20:5

Icaleka Davidi avwanga ati, “Lola, mutondo ukutandika kwa Cimulo ca Mwezi Upya, nga nani ndinzile ukulya pamwi nu mwene. Lelo leka nje nkafisame umu vyalo ukufika lino ilanzi lyawa pa wanda uwalenga yatatu.