Kolose 1:10 - Amazwi Yakwe Leza 2013

¹⁰ Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Kolose 1:10 ပူးပေါင်းရင်းမြစ်များ

Mapinda 16:7

Mikalile ya muntu ndi yazanzya Yawe, ala na anisi yakwe kwene yalamutemwa.

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

Danieli 12:4

Lyene wene anena ati, “Lelo wemo, we Danieli, kupika ulupapulo nu kwikapo icimanyililo ukufika uku nsita ya mpela ya nsi. Pali ndakai, antu avule yamaezyanga ukumanya ivikucitika.”

Mika 4:5

Antu amu nko zyonsi yakapepa nu kuyela leza wao, lelo swemo tumapepanga nu kuyela Yawe, Leza witu mpaka umuyayaya.

Habakuku 2:14

Lelo insi nu kukwata umanyililo wa ucindami wakwe Yawe, ndi vino yayemba yakulu yazula amanzi.

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Yoane 15:8

Tata akalumbanyiwa ndi mukuseeka vizao vingi. Mu musango ndi uu, mulaya alondezi yane mu cumi.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.

Loma 4:12

Cii, calenga kuti Abulaamu aye cikolwe cakwe na yao kwene asilamulwa, asi pamulandu wakusilamulwa. Lelo pano yakapita mu umi wa utailo uno Abulaamu cikolwe citu wali nao lino atali kuti asilamulwe.

Loma 6:4

Caleka lino twawatiziwe, cali ungati twafwa nu kuzikwa pamwi na Klistu, pakuti, ndi vino Klistu wazyukwilwe kufuma ku afwe mu maka yalulumbi yakwe Isi, avino naswe kwene tulinzile kuya nu umi upya.

2 Kolinto 2:14

Tutaizye Leza pano muli Klistu akatutungulula nsita zyonsi uku ucimvyo. Leza akatuomvya kuti kumanya kwakwe Klistu kusalangane konsi wa mununko usuma.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

2 Kolinto 5:9

Kuluta pali vyonsi, nanti cingaya uli, swemo tukulonda kuzanzya Mwene lino tuli pamwi nawe mu wikalo wakwe nanti lino tuli kutali kufuma kunoli.

2 Kolinto 9:8

Nupya Leza akweti maka akumupeela kuluta pali vino mukulonda, kuti lyonsi kwene mukwate kulingana na vino mukulonda nga nu kuluta pali vivyo pakuti mwaomba mulimo uwa kwazwa yauze.

Efeso 1:17

nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Efeso 4:13

Cii cilatwalilila kufika lino twalemana kupitila mu utailo nga nu mukumanyikisya Mwana wakwe Leza. Lyene tulaya afumaluke, ndi vino Klistu ali, nupya tulakolana na aliwe cuze.

Efeso 5:10

Mwaezya kusambilila vintu vino vikazanzya Mwene.

Efeso 5:15

Caleka tekelini mu mikalile inu. Mutaikala wa antu awelewele, lelo wa antu yamano.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Kolose 2:19

Nupya yene yata kulemana pamwi na Klistu, wino ali mutwe wi uvi. Klistu akapeela mwili maka, nupya wene akaomvya vilundwa vyakwe pamwi ni misipa kulundanya vyonsi pamwi, nga ukula ndi vino Leza akalonda kuti ukule.

Kolose 2:6

Mwemo mwazumila Klistu kuya Mwene winu. Caleka twalililini ukwikalilila muli aliwe.

Kolose 3:20

Mwe ana, namwe umulimo winu kuyela akwasi inu lyonsi, pano cii cikazanzya Leza.

Kolose 4:5

Muye na mano mu mikalile inu lino muli pakasi ka antu atataila, nu kuomvya insita inu ningo.

1 Tesalonika 2:12

Swemo twamukomelizye, twamutekizye myenzo nu kutwalilila kumupapata kwikala umi uno ukazanzya Leza, wino uwa mwama kuti mukumeko ku Wene nga nu lulumbi lwakwe.

1 Tesalonika 4:1

Pa kumalila, mwe ina itu, mwemo mwasambilile kunotuli pali vino mulinzile kwikala pakuti muzanzye Leza. Endi, vivyo kwene avino mukaikala. Lyene ndakai mwi zina lya Mwene Yesu tukumupapata nu kumukonkomezya kucita cili conga nu kuluta.

2 Timoti 2:4

Musilika wino ali pa mulimo wene akalonda kuzanzya musika mukulu. Caleka wene asyaitumpa mu vicitwa visi vya asilika.

Tito 3:1

Nena antu yako ukuti lyonsi yaiusya kutontela yakateeka na yao ali pa utunguluzi, kuyela nga nu kuiteyanya kucita visuma mu musango onsi.

Tito 3:14

Antu itu yalinzile kusambilila kuomvya insita zyao mu kucita visuma. Yene yalinzile kucitila antu visuma yano alingine kwazwiwa. Lyene antu itu yatalikala mwa ukasu.

Ayebulai 11:5

Utailo uwalenzile kuti Enoki atafwa lelo asendwe kwiyulu. Kusi umwi uwamuzanyile, pano Leza wamusenzile kupeela. Malembelo yakalanda ukuti lino Enoki atali asendwe kupeela wene wazanzizye Leza.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

2 Petulo 1:8

Vii vili vintu vino mulinzile kukwata. Ndi mwavulilwa vintu vii, vyene vilamulenga kuti mwaombesya na maka pa kumanya Mwene witu Yesu Klistu.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

1 Yoane 3:22

Wene akatupeela cili consi cino tukalenga, pano tukayela masunde yakwe nu kucita vintu vino vikamuzanzya.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

3 Yoane 1:6

Yene yavwanzile kwi uvi lya kuno pa kutemwa kwako. Nkupapata kuti uyazwe kutwalilila ulwendo lwao mu musango uno ukazanzya Leza.