Kasambilizya 9:9 - Amazwi Yakwe Leza 2013

⁹ Uwailyokezya nu mwanaci wino watemwa lino ucili nu umi, umi uwasilesile uno Leza wakupeela mu nsi ii. Uwailyokezya mu manda yonsi aumi wako, pano avino ungazana mu milimo yako ya macuzi.

Kasambilizya 9:9 ပူးပေါင်းရင်းမြစ်များ

Utandiko 26:8

Lino Isaki wikalako amanda yamwi, Abimeleki umwene wa ina Filisti, waile asungamila pansi mu nzota yakwi sano lyakwe, nga alola Isaki akumbite Labeka akumutonya mayele.”

Masamu 144:4

Umuntu akoline sile nu mupu, nga na manda yakwe icili conga sile ni cinzingwa icikapita.

Masamu 39:5

Ala wemo wipimpanzya insita ya umi wane, uwakwikala pano nsi! Kuli wewe umi wane ukaloleka sile uwa ciwelewele. Nu mucumi umuntu wensi waya sile wa mupu,

Mapinda 18:22

Uwasyukila umuci wazana ulongo. Lelo Yawe aliwe wamukumbusuka.

Mapinda 19:14

Upyanyi wa ng'anda ni vyuma ukalonkwa uku vikolwe, lelo Yawe sile aliwe angapeela umonsi umuci umufyeleke.

Kasambilizya 2:10

Consi cino nalondanga calolike. Nailyokezyanga muno nkulondela. Namekelanga icintu consi cino naombile na vyonsi vii vyali ivilambu vya milimo yane.

Kasambilizya 2:24

Fwandi icintu cisuma cino umuntu ali wensi angacita, ukulya nu kumwa nga nu kuilyokezya pa vintu vino walonka. Lelo nilwike ukuti vyonsi vii vikafuma kuli Leza.

Kasambilizya 3:13

Swensi tulinzile ukulya nu kumwa nga nu kuilyokezya pa vintu vino twaombela. Vyonsi vii uwila wakwe Leza kunotuli.

Kasambilizya 3:22

Lyene iniluka, inzana ukuti icintu cisuma cino swe antunze tungacita, ala ukuilyokezya pa vintu vino twaombela. Kusi cintu nacuze cino swe antunze tungacita. Kusi nanti aumwi angamanya icilacitika pacisila ca mfwa itu.

Kasambilizya 5:18

Acino nemo nazana ukuti icintu cisuma cino umuntu ali wensi angacita, ukulya nu kumwa nga nu kuilyokezya pa vintu vyonsi vino waombela mu umi wakwe uwipi uno Leza wamupeela. Kusi icintu nacuze cino umuntu angacita.

Kasambilizya 6:12

Uzye aweni angamanya icingatuzipila mu manda itu anono aumi witu uwasilesile, umi uno ukapita wa cinzingwa? Uzye tungamanya uli icilacitika mu nsi pacisila ca mfwa itu?

Kasambilizya 7:15

Mu umi wane uwaula muzano mu nsi ii, nalola ivintu viili. Antu yamwi asuma yakafwa, antu aipe yene yasyala nanti angala yakucita iviipe.

Malaki 2:15

Uzye Yawe atakuumvile kuti uye umwili nu mupasi onga nu muci wako? Uzye wene wakweti ipange cii pa kucita cico? Umulandu uno wene wacitile cico, apakuti ana yano ulakwata yakaye ana yakwe Leza. Acino uisunge, nga utavuna upangano uno wacisile nu muci wako wino watwite mu ulumendo wako.