Kasambilizya 8:4 - Amazwi Yakwe Leza 2013

⁴ Kateeka wa mpanga akalanda na maka. Kusi nanti umwi angamucilinganya.

Kasambilizya 8:4 ပူးပေါင်းရင်းမြစ်များ

2 Samueli 24:4

Lelo umwene aleka Yoabu na yamusika akalamba ya vita kuti yayele ilamulo lyakwe. Lyene Yoabu na yamusika yaya iyafuma pano wali iyaya ku kupenda aina Izlaeli.

1 Yamwene 1:30

ukuti ilelo namafikilizya ulayo wane uno nacisile kunuli umwi zina lyakwe Yawe, Leza wa ina Izlaeli, ukuti Solomoni umwana wako umonsi alaya umwene pacisila cane.”

1 Yamwene 2:25

Acino umwene Solomoni apeela ilamulo kuli Benaya umwana wakwe Yeoyada, nga nawe aya akoma Adoniya, afwa nu kufwa.

1 Yamwene 2:46

Lyene umwene apeela ilamulo kuli Benaya umwana wakwe Yeoyada nga nawe aya akoma Syimei. Alino lyene uwene wakwe Solomoni iukoma wakwe cimwi.

Ezila 6:13

Lyene Tatenai, umulasi wa muputule wa mpanga uku mbalama ya luzi lwa Yufulate, na Syetali Bozenai na aomvi yauze yalondile ningo ivyalanzile umwene Dalyusi.

Yobo 9:12

Ndi wene wiza umu kutoola vino akulonda, uzye aweni angamulesya? Kusi nanta umwi angamuzya ati, ‘Uzye icani cino wacitila vii?’

Kufuma 1:18

Caleka umwene waku Eguputo atuma akuya ama yanakambuza nga aiza ayuzya ati, “Uzye pacani cino mukucita cii? Uzye pacani cino mukuta ana aonsi mucifulo cakuyakoma?”

Mapinda 19:12

Icipyu ca mwene cakolana ni cilulumo cakwe cisama. Lelo uluse lwakwe lukoline nu lumi ukwi sote.

Mapinda 20:2

Icipyu ca mwene caya wa cilulumo cakwe cisama, acino na wiyo uwala wacivulumula, ala wailetelela sile umweneco.

Mapinda 30:31

Mukolwe wino akataaza pali yanyina nkoko, sawe wino akatungulula ufyo wa mbuzi, nga nu mwene akapita inkolelo ya vita vyakwe.”

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Loma 9:20

Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”