Kasambilizya 8:1 - Amazwi Yakwe Leza 2013

¹ Uzye aweni uwaya wa muntu wamano? Uzye aweni uwamanya usenulo wa vintu vii? Amano yakalenga kuti umuntu asansamuke, nupya amano yakalenga kuti inkansi zisenke apa usyu.

Kasambilizya 8:1 ပူးပေါင်းရင်းမြစ်များ

Milimo 6:15

Onsi ali mwi Tengo yalolekesya Sitivini, nga yalola vino usyu wakwe walolekanga kwati uwa mungeli.

Malango 28:50

Antu yaya akakate nupya nanti uluse yatakwata ku muntu ali wensi, cisi cimwi aye umwance nanti uwikolo.

2 Petulo 1:20

Kuluta pali vyonsi mulinzile kumanya ukuti kusi umwi wino umwisikulu na lwakwe angalondolola usemo mu malembelo.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Milimo 4:29

Na ndakai, Mwene, lola ingofyo zino yacisile, utuzumilizye swe aomvi yako, kuti tukosole ilandwe lyako nu kuposya konsi.

Milimo 4:13

Lyene ali mwi Tengo yazunguka pa kuposya kwakwe Petulo na Yoane, antu atali asambilile, nga yamanya vino yali alondezi apitanga na Yesu.

Mapinda 17:24

Umuntu mucenjele akasumba amano kuli cino alinzile ukucita. Lelo iciwelewele cene cikacita ivyacicitecite.

Yobo 33:23

Limwi nalyo, pa angeli amazimbi, Leza angatolapo wenga nu kumutuma uku alwale kwene yayo, ukuti yakayacelule ku milimo ino yalinzile ukuomba.

Efeso 6:19

Nani kwene mwampepelako kuti Leza ampeele Landwe navwanga nu kupama apa kuleka kuti nkama i Landwe Lisuma imanyikwe.

Mateo 17:2

Lyene yalola Yesu wakaoka, ni cinso cakwe ciyengesa cuze wi lanzi, nga ni vizwalo vyakwe viyengesa viya vitiswe wa luswepo.

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Mapinda 24:5

Umuntu wamano waluta uwamaka, nu mwiluke waluta umusambazi.

Mapinda 1:6

apakuti yangiluka upiliulo uwafisama umu mapinda, ni ntazi zino antu yamano yakafisa uku auze.

Utandiko 40:8

Nayo yaasuka yati, “Swensi cila muntu watalota ciloto, lelo pano pasi wakuti atwilwile viloto vitu.” Yosefu ati, “A Leza wenga sile akapeela ukwilula konsi ukwa viloto. Nenini viloto vinu.”

Loma 13:5

Acino mulinzile kuyela yakateeka, asi pamulandu wa ukali wakwe Leza utupu lelo pamulandu wakuti myenzo inu ikamunena kucita cisuma.

Mapinda 21:29

Umuntu mwipe akaloleka wa muntu umukamuke. Lelo umuntu musuma wene akaika amano uku mipitile yakwe.

Kufuma 34:35

Antu yalola ukuti impumi yakwe ikuyengesa. Lyene avimba insalu ku manso mpaka kufika insita yuze lino alingila mwi Taalu lya Ukongano ku kuvwanga na Yawe.

Mapinda 12:8

Umuntu yakamutaizya pamulandu na mano yakwe, lelo uwa mwenzo waciwelewele wene akazewana.

Danieli 2:22

Wene akasokolola ivintu ivizike nupya vya nkama. Wene amanyile ivyafiswa mu mfinzi, nu luswepo lwamuzinguluka monsi.