Kasambilizya 7:3 - Amazwi Yakwe Leza 2013

³ Amalanda yazipa ukuluta inseko. Amalanda yakakungumalika, lelo yakaapa umuntu amano.

Kasambilizya 7:3 ပူးပေါင်းရင်းမြစ်များ

Masamu 119:67

Lino utacili umvunuke, napumbokanga umu nzila. Lelo ndakai nkayela izwi lyako.

Masamu 119:71

Canzipile ukuvunukwa, pakuti nsambilile amalamulo inu.

Kasambilizya 2:2

Nazanyile ukuti inseko uwelewele. Ukusansamuka nako kusiomba cimwi cisuma.

Kasambilizya 7:4

Umuntu wino lyonsi akaelenganya sile pa nsansa, wene iciwelewele. Umuntu uwamano akaelenganya pamulandu wa mfwa.

Danieli 10:19

Wene avwanga ati, “We Danieli, Leza wakutemwa, acino utaleka icintu icili consi cikusakamike nanti kukoofya.” Lino wene wavwanzile cii, nemo inkomelekako nga mvwanga inti, “Musambazi, unene cino ukasi kuvwanga. Wemo watundenga ukuvwa ningo ukuluta.”

Luka 6:21

“Alongo amwemwe mwe munomuli ni nzala ndakai. Pano mulikuta! Alongo amwemwe mwe muno mukulosya ndakai. Pano mulatekeziwa!

Luka 6:25

“Kalanda kuli mwemwe mwe muno mukwikuta ndakai. Pano mulaya ni nzala. Kalanda kuli mwemwe mwe muno mukuseka ndakai. Pano mulaya nu ulanda nu kulosya.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.