Kasambilizya 7:2 - Amazwi Yakwe Leza 2013

² Cazipa ukuya ku ng'anda ya ndosya ukuluta ukuya ku ng'anda ya mateweto, pano antu apuma yalinzile kwiusya ukuti swensi kwene tulafwa.

Kasambilizya 7:2 ပူးပေါင်းရင်းမြစ်များ

Masamu 90:12

Acino tusambilizye tumanye uwipi wa manda itu, apakuti tukwate imyenzo yamano.

Kasambilizya 2:14

Antu yamano yangalola kuno yakuya, lino iviwelewele vitangalola kuno vikuya. Lelo namanya ukuti icikaponela umuntu wa mano, icikaponela iciwelewele na cipena kwene.

Kasambilizya 2:16

Kutaya nanti umuntu wenga akaiusya antu yamano, alino kutaya umuntu umwi akaiusya iviwelewele. Mu manda akwiza inkolelo swensi kwene tulililika. Swensi tulafwa, antu yamano nga ni viwelewele icili cimwi.

Kasambilizya 3:19

Nupya icikaponela umuntunze, icikaponela ni nyama kwene. Umuntunze akafwa ndi vino inyama ikafwa. Vyonsi vyakolana pano vyene iviumbwa. Umuntunze ataluta inyama, pano vyoili vyakwata umi umutaya umuzano.

Kasambilizya 3:20

Vyoili kwene vikaya uku ncende ili yonga, ku lukungu. Akuno vyoili vyafumile, nupya akuno vyoili vilaswilila.

Kasambilizya 6:6

makamaka umuntu wino atailyokizye lino wali umu nsi, nanti angala wene watenzi imyaka amazimbi yaili. Endi, akanya nu mukama, yoili kwene yakaya kuli kumwi.

Kasambilizya 9:2

Pataya upusano foo. Icikaponela umuntu mololoke, icikaponela na kaifya kwene. Icikaponela umuntu musuma, icikaponela nu muntu mwipe kwene. Icikaponela kapepa, icikaponela na asipepa kwene. Icikaponela akapeela impolelwa, icikaponela na asipela kwene. Umuntu mololoke atalusile kaifya, na wino akalapa umulapo, atalusile wiyo asilapa.

Kasambilizya 9:3

Endi, swensi kwene icikatuponela icili cimwi, nga icintu cii iciipe mu vintu vyonsi ivikacitika umu nsi ii. Lino antu yacili nu umi amelenganyo yao yakazulamo uyi nu upena, alino yakaiukila ukuti iyafwa.

Kasambilizya 9:5

Endi, antu lino yacili nu umi yakamanya ukuti yalafwa. Lelo afwe yatamanya nanti acimwi. Yene yatakwata icilambu nacuze. Yene yililika pyu.

Ezaya 47:7

Wemo watangi ulayelelela pali unamwene pee, utasakamalanga kuli vii vyonsi, nanti ukwelenganya kuno vilapelela foo.

Yelemiya 16:8

Nupya utakezye ukwingila mu ng'anda ya maliila. Utakezye kwikala nu kulya nu kumwa pamwi nayo.

Hagai 1:5

Uli mulandu uno Nemo ne Yawe Leza Wamaka Onsi nkuvwanga kuno muli nkuti, “Simwatala mwelenganyapo nu kukutumala pa vintu vyonsi ivikamuponela!

Malaki 2:2

‘Mulinzile ukuncindika muli vino mukucita. Ndi cakuti mutaluvwa kuli vino nkumunena, lyene ndamuponyezya icitipu. Ndaponyezya icitipu pa vintu vino mukapokelela vyakutungilila wikazi winu. Endi, natimviponyezya icitupu mpiti, pamulandu wakuti mwemo mutisile amano api lamulo lyane.

Mpendwa 23:10

Aina Izlaeli yavulisya wa lukungu, Yene yavulisya cuze cakuti yatanga pendwa. Si leka impela yane iye wa mpela yakwe wenga uwamu antu yakwe Leza. Si leka imfwe mu mutende wakwe vino yayo akacita ivyawololoke yakafwa.”

Mateo 5:4

Alongo antu yano yakauvwa ulanda. Pano Leza alayasansamusya.

Malango 32:29

Yene yaposiwa ukulola icalenzile kuti yayacimvye. Yene yatanga yalooke impela yao vino ilaya.

Malango 32:46

alino wavwanzile ati, “Sininkizini ukuti mwayela amalamulo yaa yonsi yano namupeela ilelo. Mwasambilizya kweneko na ana inu, pakuti nayo yayela ningo amasambilizyo yonsi yakwe Leza.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

Ayebulai 9:27

Muntu wensi alinzile ukufwa lyonga nga pacisila apingulwe na Leza.