Kasambilizya 7:16 - Amazwi Yakwe Leza 2013

¹⁶ Fwandi we muntu utacizyapo ukuya umusuma nanti ukuya uwamano. Uzye pacani cino ungaikomela?

Kasambilizya 7:16 ပူးပေါင်းရင်းမြစ်များ

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

Yobo 11:12

Ndi cakuti colwa angavyala umwana umufumaluke, ale lyene tungati ni ciwelewele kwene cingakwata amano yampomvu.

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Mapinda 23:4

Utaivunola apakulonda ukama. Ndi cakuti wewe wa mano suulako sile.

Mapinda 25:16

Nanti ndi cakuti wazana uci, lya uwikute, lelo utacizya umu cipimo pano ungaluka.

Kasambilizya 12:12

We mwanane umonsi kwaya icintu nacuze cakucenjela naco. Ukulemba kwa mpapulo kusisila. Ukupituluka mu mpapulo nako kulakutonsya.

Mateo 23:29

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mwakuulila yakasema malindi nu kuyemvya vipilala vya pa malindi ya antu aololoke.

Mateo 23:38

Acino Ng'anda inu ikulu yakwe Leza ilasyala citotela.

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Mateo 9:14

Lyene alondezi yakwe Yoane kawatizya iiza kuli Yesu yamuzya yati, “Uzye pacani cino swemo pamwi na Afaliseo tukaizilizya ukulya, lelo alondezi yako yene yasyaizilizya ukulya?”

Luka 18:12

Nkaizilizya ukulya maila yaili mu mulungu, nupya nkapela ni cikumi ca muli vyonsi vino nkazana.’

Loma 10:2

Pano nene kambone wao pali vino yaipelesya kuli Leza. Lelo yatamanya ningo vino kuipelesya kwao kulinzile kuye.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

1 Kolinto 3:18

Muntu nanti umwi ataitumpika. Umwi uwa munomuli ndi akwelenganya vino uwa mano kulingana ni vintu vya muno nsi, nkolelo alinzile aye wa muwelewele, pakuti mucumi aye uwa mano.

1 Kolinto 3:20

Nupya calembwa mu malembelo cati, “Mwene wamanya vino melenganyo ya antu yamano yene yasi nu mulimo.”

Filipi 3:6

Nali nu muzonda cakuti nazunyanga iuvi. Nacitanga vyonsi vyawololoke vino Masunde yalanda, mu kucita vivyo ntatazile mfume mwanzila.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Kolose 2:23

Kwene kusambilizya kwa musango uu kukaloleka kwati ukwa mano, kwakupatikizya ukupepa, nu kuicefya kwaufi, nu kucuzya imili uluku uluku. Lelo kutakweti amaka yakukanya vino mwili ungalonda.

1 Timoti 4:3

Antu yaa, yakasambilizya ukuti cisi cisuma kutwala, nupya yakainda kulya vyakulya vimwi. Lelo Leza waumvile vyakulya vii kuti vyaliwa ni ntaizyo kunoli na yao ataila nupya amanya cumi.

Umbwilo 18:19

Yaiswela na masenga pa mitwe yao, yalila nu kulosya, yati, “Owee, we koofya we! Owee, we kwipa we ku musumba ukulu! Wene uli musumba ukulu uno onsi akwata mato akulu akapita pali yemba yalenzilwe kuya akama pa vyuma vyauko! Lyene wene waponzya vyonsi muli aawa wenga!”