Kasambilizya 6:3 - Amazwi Yakwe Leza 2013

³ Umuntu angavyala ana umwanda onga nga nu kwikala amanda avule. Lelo ndi atakusansamuka nupya atazisilwe mu mucinzi, lyene nemo ningavwanga ukuti akanya akavyalwa akafwe kazipa ukuluta umuntu wiyo.

Kasambilizya 6:3 ပူးပေါင်းရင်းမြစ်များ

Utandiko 33:5

Esau acelecensya monsi, nga alola ana na yanyina, nga auzya ati, “Uzye ya yonsi yano uli nayo aaweni?” Yakobo aasuka ati, “Mukwai, ya ana yane yano Leza wampa mu usuma wakwe.”

Utandiko 47:9

Yakobo aasuka ati, “Indi ni myaka umwanda onga na makumi yatatu mu umi wa kululumba kwane. Imyaka yane ili inono nupya iya ucuzi, ino itangakolana ni myaka ya kululumba kwa vikolwe vyane.”

2 Yamwene 10:1

Lyene mu Samaliya mwatenzi amu mupanda wakwe Aabu aonsi ukufika ku mpendwa ya makumi cinimbali. Fwandi Yeu alemba amakalata aambulula pa mapepala alino atumila intunguluzi zyamu musumba wa Yezileele, ku yakalamba yamwi yamwi alino na kuli yakalinda yonsi ya ana yakwe Aabu. Avwanga ati,

2 Yamwene 9:35

Lelo antu aile ku kumuzika, yatazanyile nanti cimwi suka sile akapanga kakwe, na mafupa yaku ngazo zyakwe na aku vizanza vyakwe.

1 Milandu 28:5

Yawe wampeela ana aonsi avule, nga ukufuma mu ana kwene yayo, wene wasolola Solomoni kuti ateeka aina Izlaeli, umu wene wakwe Yawe.

2 Milandu 11:21

Leoboamu watemilwe Maaka umwana umwanaci wakwe Abusalomu ukuluta vino watemilwe aci yauze asyala. Aci yano wakweti yonsi pamwi yali ikumi na cinani. Wakweti aci nayauze amakumi mutanda. Ana aonsi yano wakweti yali amakumi yaili na cinani, nga wakweti na ana anaci amakumi mutanda.

Esita 5:11

Nga Hamani atandika ukuitakizya apa ukama wakwe ni vyuma vyakwe. Apa ana yakwe aingi, na pali vyonsi vino umwene wamucindamika nu kumupeela icifulo cikalamba ukuluta apa alasi yonsi asyala na yamusika ya mwene.

Esita 7:10

Fwandi ali vino yakulike Hamani uku cimuti cino wateinye ukukulikila Modekai. Lyene umwene Aasuwelo umwenzo iwikala.

Yobo 3:11

“Owe mwe! Uzye pacani cino ntafwilile lino nkuvyalwa, nanti pacisila cakufuma mu ndilwa inte ukufuta?

Yobo 3:16

nanti ukulala mu musili wa kapopo, nanti wa kanya akafwe akatacili kalole uluswepo.

Masamu 58:8

Leka yaye wa nyonga ikasya itelende muno ipisile. Leka yaye sile wa kapopo akasilola luswepo.

Mapinda 17:6

Icilongwe ca yakote, ana ya ana yao. Ucindami wa ana, aisi.

Kasambilizya 4:3

Lelo yayo atatala yavyalwa, yano yatatala yalola ulufyengo ulukucitika mu nsi yonsi ii, yene yasyuka ukuluta antu apuma na afwe kwene.

Kasambilizya 6:4

Akanya akafwe kakavyalwa ukwaula kumanyikwa, nupya kazikwa mu mfinzi, nga kililikwa nu kwililikwa.

Yelemiya 22:19

Wene alazikwa wakwe punda, nupya yalamukwetulula yamusende nu kumusumbila ukunzi ya mpongolo zyakwe Yelusalemu.”

Yelemiya 36:30

Cico kwene ali cino Yawe wavwanga pamulandu wakwe Yeoyakimu umwene waku Yuda wati, atalatala akwate umwi namuze uwakwikala pa cilimba cakwe Davidi, ni cala cakwe cilasumbwa ukunzi ku cipuki akasanya, alino nu ku mpepo usiku.

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Mateo 26:24

Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe.”