Kasambilizya 6:2 - Amazwi Yakwe Leza 2013

² Leza apeela umuntu icuma, ucindami, nga ni vikwatwa, ee ni vintu vyonsi vino umuntu akalonda. Lelo Leza asilenga kuti umuntu ailyokezye pa vintu vivyo. Umwenyi aliwe aliza ailyokezye pa vintu vivyo. Cii, icasilesile, nupya cisi cisuma.

Kasambilizya 6:2 ပူးပေါင်းရင်းမြစ်များ

1 Yamwene 3:13

Nupya na vino utalenzile kwene namakupeela. Ukama nu ucindami uwakuti umu umi wako onsi kuli yamwene kutalatala kuye uwa kulingana nawe.

1 Milandu 29:25

Aina Izlaeli yonsi yalola ukuti Yawe watatumpula Solomoni. Wene amupeela uteko uwa lulumbi uno kutatazile kuya umwene muze uwa ukweti mu mpanga ya Izlaeli.

1 Milandu 29:28

Davidi afwa ala umukombe wa myaka ivule. Watenzi amanda nyanya pano nsi, nupya wakweti icuma nyanya nu mucinzi ukulu.

2 Milandu 1:11

Yawe nawe aasuka Solomoni ati, “Walenga icintu icisuma. Utalenzile ukama, ivyuma nanti ululumbi. Nupya utalenzile ukuti anisi yako yakomwe. Fwandi apamulandu wakuti wemo utalenzile ukutantalizya umi wako, lelo walenga sile amano na malango akuteekela mwenemo antu yano nakupeela ukuya umwene wao,

Masamu 17:14

We Yawe, ntuule uku antu yayo yano umu umi wao wa muno nsi yakwata vino yakalonda vyonsi. Yapini ucuzi wacipezya mano, uno wayateyanyizizya nu ku izikulu yao kwene!

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

Masamu 73:7

Mu myenzo yao mukazwa sile iviipe, na mano yao lyonsi yaya apamviwe nu kwelenganya amapange akucita ivitazifile.

Kasambilizya 4:4

Nupya nasambilila nacuze icikalenga ukuti antu yaombesya, apamulandu wakuti yene yakakumbwa ivintu vino ainipamba yao yakwata. Lelo cii naco kwene icasilesile. Cili wa kuzinganya umuza.

Kasambilizya 4:8

Silolini umuntu wino wikala wenga. Wene atakwata umwana nanti umwina, lelo wene akaomba pe, nga atiikuta ni cuma cino walonka. Uzye aweni wino umuntu wi akakaililwa nu kuikanya ukusansamuka? Camusango uu naco kwene icasilesile, nupya icaulanda mu wikazi wa muntu.

Kasambilizya 5:13

Kwaya icintu cimwi iciipisye cino nemo nalola mu nsi ii, icakuti umuntu asunga impiya zyakwe zyakuomvya pa nsita ino wene angazilonda.

Kasambilizya 5:16

Icintu cii cisi cisuma! Swemo tukaswilila umu mwata kwene uno twizilemo, vwile! Nga fwandi umuzano cii uno swe antu tukazana pakuzinganya umuza?

Kasambilizya 5:18

Acino nemo nazana ukuti icintu cisuma cino umuntu ali wensi angacita, ukulya nu kumwa nga nu kuilyokezya pa vintu vyonsi vino waombela mu umi wakwe uwipi uno Leza wamupeela. Kusi icintu nacuze cino umuntu angacita.

Kasambilizya 5:19

Leza ndi cakuti wapela umuntu icuma ni vikwatwa nu kulenga kuti ailyokezya, ee umuntu alinzile kutaizya nu kuilyokezya pa vintu vyonsi vino waombela. Uu, uwila uwafuma kuli Leza

Ezaya 55:2

Icani cino mungasumbila impiya pali vino visi vilyo, na malipilo inu pa vintu vino visiikusya? Munguvwe, muntezye, nga muce mukakwate ivyakulya visuma nu kuipakizya vyakulya vilyompe.

Nyimbo zya ndosya 5:2

Yatupoka impanga itu ku enyi, nga na mang'anda itu yapeelwa ku inamasi.

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Oseya 7:9

Ainamasi yakayafipa amaka, ukwaula kuti yamanye. Yene yakwata imvwi, ukwaula kuti yamanye.

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo

Malango 28:43

“Ainamasi alaikala mu mpanga inu yalacindamilako sile cila wanda, namwe ale mukusaalukilako sile cila wanda.

Yakapingula 18:10

Lino mwafika kweneko, mulazana ukuti ukwaya antu atange yamutunganye nanda cimwi. Nupya impanga iyo ikulu umwaya konsi kano umuntu akalonda. Fwandi ili mpanga ino Leza wapeela kunomuli.”