Kasambilizya 5:8 - Amazwi Yakwe Leza 2013

⁸ Utazunguka lino walola ukuti uteko ukutitikizya apina nu kuyafyenga mu nsambu zyao. Cilolo wensi wacingililwa na wiyo akamwangalila, alino yaa yoili yacingililwa ni vilolo iviyalusile.

Kasambilizya 5:8 ပူးပေါင်းရင်းမြစ်များ

2 Milandu 26:10

Pacisila cakwe vyonsi vii, Uziya akuula impungu nu mulwanga kwene nga aimba ni vifula ivivule, pamulandu wakuti wene wakweti iviteekwa nyanya mu misana ya twamba nu mu manyika.

Yobo 24:23

Limwi nalyo Leza akaleka antu kwene yayo aipe, yaikalile ku matwi cele, ala ukuya kwene amanso yakwe, asumvile sana kunoyali nu kupeketa imipitile yao yonsi.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Masamu 55:9

Siyonone we Yawe, vulunganya nu lulimi lwao. Pano nemo umu musumba muu, nkulola sile ulukang'ansi ni mpanzela.

Masamu 82:1

Leza aliwe akateeka icilye ca mwiyulu. Wene akapingula imilandu pakasi kakwe tuleza.

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Masamu 95:3

Pano Yawe ali Leza Mukulu, ali Mwene mukulu pali tuleza tonsi.

Mapinda 22:16

Ukucuzya umulanda, kuli kumulundilapo ukama. Nu kupeela umukama uwila kuli kumucita umulanda.

Mapinda 24:12

Uzye ungakana ukuti, “Awe nemo ntamanyile umulandu?” Nga fwandi wiyo uwamanya nu kupima imyenzo ya antu atamanya? Nanti wiyo akawaka umupasi wako uzye asiuvwa?

Mapinda 8:17

Natemwa yayo antemwa, na wiyo uwacincila ukundonda akanzana.

Kasambilizya 3:16

Cuze cino nalola mu nsi ii, icakuti ulufyengo lukazanwa apalinzile ukuzanwa ulungami, na palinzile ukuzanwa usuma pakazanwa uyi.

Kasambilizya 4:1

Lyene ndolekesya pa lufyengo lonsi ulukacitika mu nsi ii. Antu yano yatitikiziwa yakulosya nga kusi nanti aumwi uwakuti angayazwa. Kusi nanti aumwi uwakuti ayazwe pano antu yano yakuyatitikizya yakwatisya maka.

Kasambilizya 5:9

Alimi yonsi yakazombola ivintu vyamu vyalo vyao. Umwene umwisikulu akazana umuzano uwamu vyalo vyao.

Kasambilizya 7:7

Umuntu angaya uwamano, lelo ndi watumpoka umuntu umwi ala waicita wa ciwelewele. Ukupokelela amafukakanwa kukaonona umwenzo wa muntu.

Kasambilizya 8:9

Lino nelenginye pa vintu ivikacitwa mu nsi ii, naweni ukuti antu yamwi a maka yakateeka auze mu unkalwe.

Ezaya 10:12

Lelo Yawe akuti, “Nemo ndamalilila vino nkucitila Mwamba wa Zioni nu mu Yelusalemu, nemo ndavunuka mwene waku Asilya, apa cilumba cakwe nu kuyuvwa kwakwe.

Ezaya 3:15

Uzye apacani cino mwapokela antu yane insambu? Uzye umulandu cii uno mukuliila apina amasuku pa mutwe?” Ivyavwanga Umwene, Yawe Wamaka yonsi.

Ezaya 37:36

Lyene umungeli wakwe Yawe aya mu nsakwe ya asilika ya ina Asilya. Akoma mwenemo asilika ukulingana 185,000. Cino waca sile akatondo, awe antu yalola ivyala vyao vyativilala ntangali ntangali.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezekelo 18:18

Isi wene alafwila pa maifyo yakwe umweneco, pano wali umukakate, wapokololanga vya eneco ku maka, atazifizye mukasi ka antu yakwe.

Amosi 5:12

Nene manyile uwingi wa viipe vinu nga nu ukulu wa maifyo inu. Mukazunya antu akacita vyaololoke nu kupoka amafukakanwa nu kunyongelekezya imilandu ya apina mu matengo ya milandu.

Amosi 6:12

Uzye pa mawe imfwalasi zingasimulapo? Uzye pali yemba umwi angalimapo ni ng'ombe? Lelo mwemo mwasenula ulungami waya a sumu, nga ni vyaololoke vyonsi mwavicita ivyakutitikizya nu kuzunya antu.

Mika 2:9

Mukazinga aci ya antu yane mu ng'anda zyao zino yatemwa, nupya mwapokolola ana yao upolelelo uno nayapeela uwamuyayaya.

Zakaliya 8:6

Yawe Wamaka yonsi wavwanga wati, “Pa nsita iyo icintu cico cilaloleka cipezyamano ku antu amu mutundu ulya alasyalapo, awe cumi kuli nene citalaya cipezyamano foo.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Luka 1:32

Alaya mukulu nupya alaamwa u Mwana wakwe Leza uwa papelapela. Mwene Leza alamupeela uwene wakwe Davidi cikolwe cakwe,

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Luka 1:76

Nawe mwana we, ulaamwa kasema wakwe Leza uwapapelapela, pano ulakolelela Mwene kuya muteyanyizizya museo wakwe.

Milimo 12:23

Lilyo kwene mungeli wa Mwene alwalika Helodi pano atapile lulumbi kuli Leza. Helodi ingonyo zimulya, afwa.

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

1 Petulo 4:12

Mwe yacuza akundwe, mutazunguka pa kupita mu macuzi aipe apa kweziwa, kwati cintu cimwi cisyacitika camuponela.

1 Yoane 3:13

Acino inane, mutazunguka ndi antu amu nsi ii yamupata.