Kasambilizya 5:1 - Amazwi Yakwe Leza 2013

¹ Mwatekela pakuya ku Ng'anda ikulu yakwe Leza. Cazipa ukuya ku Ng'anda ikulu yakwe Leza ku kusambilila kuluta ukupeela impolelwa wakwe vino antu atumpe yakacita, yano yatamanya uyi wao uno yakacita.

Kasambilizya 5:1 ပူးပေါင်းရင်းမြစ်များ

2 Milandu 26:16

Lelo lino Uziya waya na maka wakwe cimwi, atandika kuvwa icilumba nga cico icamupulumwisye. Wene atali uwacumi kuli Yawe Leza wakwe. Acino waile umu Ng'anda ikulu yakwe Yawe ku koca ubani pa kavuwa kakocelapo ubani.

Yobo 11:2

“Uzye umuntu uwavwangikisya wene yatange yamwasuke? Uzye ukuvwangikisya tungati ali kulungika?

Yobo 22:12

“Uzye kwene ica cumi Leza wikalila apatali sana umwiyulu? Akalolekesya intanda mpaka nakuno zyayela ukutaitalimpila?

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Kufuma 3:5

Lyene Leza avwanga ati, “Utapalama pipi nupya zula ndyatu zyako, pamulandu wakuti cifulo cino uwimililepo icamuzilo.

Kufuma 30:18

“Upange muyeza wa mukuwa uwakufulalila, nupya citende cakwe ciye ca mukuwa. Umuteke pakasi ki Taalu lya Ukongano na kavuwa, alino witilemo amanzi.

Mapinda 10:19

Ukuvuzya kwa mazwi, musiulwa ukuluvyanya, lelo umuntu wensi akasunda kalomo wene uwamano.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Milimo 10:33

Caleka natumile kuti wize zuwa, nga wacita ningo pano wiza. Ndakai swensi tuli pano pa manso yakwe Leza, kulolela kuvwa cili consi ndi vino Umwene watapela ilamulo kuti uvwange.”

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

1 Kolinto 11:22

Uzye mutakwata ku mwinu ku mang'anda kuno mungalya nu kumwa? Nanti uzye mukusula iuvi lyakwe Leza nu kucita antu aulizya insonyi? Uzye cani cino mwemo mukupaalila kuti munene pamulandu wakwe cii? Uzye namamutasya? Awe, ntange mutasye!

Ayebulai 10:26

Pano ndi tukwifya ku mufulo nalino cumi cati cimanyikwa kunotuli lyene kutangaya impolelwa yakufumya maifyo itu.

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Yoswa 5:15

Nga musika mukalamba uwa vita vyakwe Yawe amunena ati, “Zula ndyatu zyako, pamulandu wakuti cifulo cino uimililepo icamuzilo.” Yoswa nawe acita vivyo kwene.