Kasambilizya 4:8 - Amazwi Yakwe Leza 2013

⁸ Silolini umuntu wino wikala wenga. Wene atakwata umwana nanti umwina, lelo wene akaomba pe, nga atiikuta ni cuma cino walonka. Uzye aweni wino umuntu wi akakaililwa nu kuikanya ukusansamuka? Camusango uu naco kwene icasilesile, nupya icaulanda mu wikazi wa muntu.

Kasambilizya 4:8 ပူးပေါင်းရင်းမြစ်များ

Utandiko 2:18

Lyene Yawe Leza avwanga ati, “Cisi cisuma kuti umuntu aikala wenga. Caleka namamuumbila alingine na aliwe kuti yaazwana.”

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

Masamu 39:7

Ale lyene, Mwene, icani nupya cino ningataila? Nemo awewe sile wenga mpo wino nataila!

Mapinda 27:20

Vino imfwa ni lindi vitatala viikuta, ali vino na manso ya muntu yatalatala ikute.

Kasambilizya 1:13

Nelenginye kuti ningalondelezya pa vintu ivikacitika umu nsi. Si lolini icisendo cino Leza watufumbatika swe antunze.

Kasambilizya 1:8

Ivintu vyonsi vikatendusya, kutendusya kwacipezya amano. Amanso itu yakalola lelo yasyalola kuti cifuule, amatwi itu yakauvwa, lelo yasiiuvwa kuti cifuule.

Kasambilizya 2:21

Umuntu uombela icintu na mano yako yonsi, na ucinda wako onsi, alino pacisila uwiza usiila umuntu muze wino ataciombile. Cii icauwelewele, nupya cisi cisuma foo!

Kasambilizya 2:23

Vyonsi vino umuntu akaomba mu nsita ya umi wakwe mutaya umuzano, lelo amasakamiko nu kuwavya umwenzo. Usiku nalyo kwene atangalola utulo. Ala cii icasilesile.

Kasambilizya 4:7

Mu wikazi nalola icintu nacuze icasilesile.

Kasambilizya 5:10

Antu yano yatemwa impiya yasiikuta impiya zizyo. Nupya icili cimwi na antu yano yatemwa ukama, yene yasiikuta umuzano. Cii, icasilesile.

Kasambilizya 5:9

Alimi yonsi yakazombola ivintu vyamu vyalo vyao. Umwene umwisikulu akazana umuzano uwamu vyalo vyao.

Ezaya 5:8

Kalanda kuli mwemwe mwemuno mukalunda kukuula amang'anda pa mang'anda yano mwakwata. Apa vyalo vino mwakwata mwemo mukalundilapo navyuze, icakuti lyene auzo iyasuka yuulilwa napakwikala. Lyene mwemwe mwenga sile mwasuka mwikala mu mpanga.

Ezaya 55:2

Icani cino mungasumbila impiya pali vino visi vilyo, na malipilo inu pa vintu vino visiikusya? Munguvwe, muntezye, nga muce mukakwate ivyakulya visuma nu kuipakizya vyakulya vilyompe.

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Luka 12:20

Lelo Leza amunena ati, ‘We ciwelewele we! Usiku kwene uu umi wako nkuulonda. Uzye lyene aweni alatola vintu vyonsi vino waisungila?’”

1 Yoane 2:16

Pano vintu vyonsi vyamu nsi, kutandika pa vilondwa viipe vino mili ikalonda, ni vintu vya lunkumbwa lwa manso nu kuitumika ku vyamu nsi, vyonsi vii visyafuma kuli Tata, lelo ku wikalo uwipe uwamu nsi.