Kasambilizya 4:4 - Amazwi Yakwe Leza 2013

⁴ Nupya nasambilila nacuze icikalenga ukuti antu yaombesya, apamulandu wakuti yene yakakumbwa ivintu vino ainipamba yao yakwata. Lelo cii naco kwene icasilesile. Cili wa kuzinganya umuza.

Kasambilizya 4:4 ပူးပေါင်းရင်းမြစ်များ

Utandiko 26:14

Aina Filisti iyaya nu uzuwa panoli pano wakwata ufyo wa mfwele nu wa ng'ombe ukulu cuze, nga na azya avule.

Utandiko 31:1

Yakobo auvwa ukuti ana yakwe Labani aonsi yakuti, “Yakobo watatoola vintu vyonsi ivyali vyakwe tata. Watazana ukama ukufuma kuli vino tata wakwata.”

Mapinda 27:4

Ulufyengo ni cipyu vyonsi ivya ononyi. Lelo uzuwa wene waluta pali vyoili.

Kasambilizya 1:14

Nemo pano nalola ivintu ivyacitwa mu nsi ii, nga nkumunena ukuti ala cii icasilesile. Cili wakuzinganya umuza.

Kasambilizya 1:17

Nelenginye kusambilila kuti imanye upusano pakasi ka mano nu uwelewele, na pakasi ka mano nu upena. Lelo nazanyile ukuti limwi nani kwene ningazinganya umuza.

Kasambilizya 2:21

Umuntu uombela icintu na mano yako yonsi, na ucinda wako onsi, alino pacisila uwiza usiila umuntu muze wino ataciombile. Cii icauwelewele, nupya cisi cisuma foo!

Kasambilizya 2:26

Leza akapeela amano, ukumanya nga ni nsansa ku antu akamuzanzya. Lelo akalenga kuti yakaifya yaombe nu kulonka icuma pakuti yangapeela icuma cao ku antu akazanzya Leza. Ala cii icasilesile. Cili wa kuzinganya umuza.

Kasambilizya 4:16

Umwene angateeka imintapendwa ya antu, lelo ndi wafwa kusiya nanti aumwi akataizya pali vino mwene wacisile. Ala cii icasilesile. Cili wa kuzinganya umuza.

Kasambilizya 6:11

Amazwi ndi yavula, ni vyasilesile navyo vikavula. Uzye umuzano cii uno umuntu angazana?

Kasambilizya 6:9

Ala cii icasilesile. Cili wa kuzinganya umuza. Cazipa ukwikuta vino ukweti ukuluta ukulonda ukulonka insi yonsi.

Mateo 27:18

Pano wamanyile vino yasimapepo akalamba yapile Yesu kunoli pamulandu sile wa uzuwa wao.

Milimo 7:9

“Ana yakwe Yakobo yali nu uzuwa pa mwina wao Yosefu, yamukazya kuya umuzya ku mpanga ya Eguputo. Lelo Leza wali nawe,

Yakobo 4:5

Mutatwisika cumi icaya mu malembelo yano yakati, “Leza akasakamala pamulandu wa mupasi uno wika munotuli.”

1 Yoane 3:12

Tutalinzile kukolana na Kaini. Wene wali kumbali ya Mui, nupya wakomile Abeli mwina wakwe. Uzye pacani cino Kaini wamukomile? Apamulandu wakuti milimo yakwe Kaini yali iipe. Lelo milimo ya mwina wakwe yali iisuma.