Kasambilizya 3:7 - Amazwi Yakwe Leza 2013

⁷ Kwaya insita ya kulepola ni nsita ya kusuma, kwaya insita ya kwikala cele ni nsita ya kuvwanga.

Kasambilizya 3:7 ပူးပေါင်းရင်းမြစ်များ

Utandiko 37:29

Lino Lubeni waswilile ku cifula ku kulengula, azana Yosefu asimo, nga alepola vizwalo vyakwe, kulanga ulanda.

Utandiko 37:34

Lyene Yakobo alepula mwingila wakwe, azwala visamu mu musana ukulanga ulanda. Nga alosya umwana wakwe umonsi pa manda aingi.

Utandiko 44:18

Yuda apalamila kuli Yosefu, nga avwanga ati, “Napapata musambazi, nzumilizye kuti mvwange kunuli mu untungwa. Utasoka pamulandu wane, pano wewe kwene uli wa mwene umwisikulu.

Utandiko 44:34

Ntangaswilila ku muzi kuli tata ndi insi nu mulumendo. Ntangatemwa kulola tata mu ulanda lino ungamucitikila.”

2 Samueli 1:11

Lyene Davidi na antu yonsi yano wali nayo iyalepola insalu zyao apakulanga ulanda.

2 Samueli 3:31

Davidi pali pakunena Yoabu na antu yakwe yonsi ukulepola ivyakuzwala vyao nu kuzwala amasaka pa kulosya Abineli. Alino pa ndosya kwene iyo, umwene Davidi umwisikulu walondelanga pacisila ca cala.

1 Yamwene 21:27

Lino Eliya wamala ukulanda, Aabu alepola vyakuzwala vyakwe, avizuula azwala ni nsalu zya malanda, nga afunga ukulya. Alala vivyo kwene ala azwite insalu zya malanda. Napakupita, atontongela sile.

2 Yamwene 18:36

Antu yonsi apakuvwa vivyo iyaya sile zii, pamwi nu mwene Hezekiya kwene, ndi muno wayanenyile. Yikala sile kututu.

2 Yamwene 5:7

Lilyo kwene lino umwene waku Izlaeli wamala kuwelenga kalata wilya, alepola ivyakuzwala vyakwe nga avwanga ati, “Uzye umwene waku Asilya angapaalila uli ukuti nemo ningapozya umuntu wi? Uzye wene akwelenganya ukuti nene indi Leza, wino uwakwata amaka ya kupeela umi ni mfwa? Caloleka apaswe ukuti wene akasi sile kuti twalemanila.”

2 Yamwene 6:30

Lino umwene wilya uvwa amazwi ya mwanaci wilya, alepula ivyakuzwala vyakwe. Lino umwene akulyatokela pi linga, antu ali mukasi pipi ni linga yalola ukuti umwene azwite ivyakuzwala vya ndosya mukasi ka vyakuzwala vyakwe.

Esita 7:4

Pasi pano nemo na antu yane, twikala uku kalili. Twakaziwa mpiti, tukalolela sile ukuloviwa. Nga cali icakuti yatusumvile sile umu uzya, ngano indi cele ukwaula kumamula akanwa. Pasi pano utazi witu utangalenga kuti we musambazi uculilemo.”

Yobo 2:13

Lyene yikala pansi pamwi nawe, amanda cinimbali, usiku nu musanya ukwaula ukuvwanga nanti izwi kunoli, pamulandu wakuti yaweni ukulu wa ucuzi uno wakweti.

Masamu 39:2

Nemo nikalanga cele ukwaula kusyengana, nanti sile kungaya icintu icisuma! Lelo ucuzi wane wakulilanga sile kweneko.

Kasambilizya 3:6

Kwaya insita ya kuzana ni nsita ya kuponzya, kwaya insita ya kusunga ni nsita ya kusumba.

Ezaya 36:21

Awe cumi, lyene alino antu nayo yikala sika! Yikala cele ukwaula ni cakwasuka, pano umwene Hezekiya wayakonkomizye ukukana asukako.

Yelemiya 36:24

Umwene pamwi na aomvi yakwe, nanti angala yuvwile amazwi yaa yonsi, lelo yatakweti intete foo. Yatalepwile ni nsalu zyao.

Yelemiya 8:14

Antu yakwe Leza yuzya yati, “Uzye pacani cino twikala ukwaula kucita cimwi? Konganini, tulungame ku misumba ya malinga, akuno tukafwile. Pano Yawe Leza witu akulonda kutulovya nu kutumwesya amanzi yausungu, pamulandu wakuti twifya kunoli.

Nyimbo zya ndosya 3:28

Lino Yawe watuletela ucuzi umwi, twatala itwikala swenga nu kukutumalilapo pamulandu wa kuteeka umwenzo.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Amosi 5:13

Uli mulandu apa nsita yamusango uu, umuntu wa mano akaikala cele, pasi pano yene ili nsita imwi iipisye.

Amosi 8:3

“Mu wanda ulya inyimbo zyamu Ng'anda ikulu yakwe Leza zilasenuka ziye inyimbo zya ndosya. Ivyala vilavula wakwe cimwi, nga vilaya ntangali ntangali monsi monsi, Kulaya cele!”

Mika 7:5

Utataila mu mwinipamba, nanti ukusintilila muli cuza wako. Utekele pa mazwi yano ungavwanga nanti alilyo lino ukuvwanga ku wako.

Milimo 4:20

Pano swemo tutangata kulanda pali vino twalola nu kuvwa.”

Milimo 9:39

Caleka Petulo apita nao. Lino wafika, yamutwala pa muputule uwa papela. Alino yamukamfwilwa yonsi yamulizizya, ala yakulila nu kumulanga amalaya na makoti yano Dokasi wayasumile lino acili umumi.

1 Samueli 10:16

Saulo nawe pali pakunena isi umukalamba ati, “Kwene Samueli watunenyile apaswe ukuti yapunda yaloleka.” Lelo wene atanenyile isi umukalamba pamulandu wa wene uno Samueli wamunenyile.