Kasambilizya 3:4 - Amazwi Yakwe Leza 2013

⁴ Kwaya insita ya kuvwa ulanda ni nsita ya kusansamuka, kwaya insita ya kulosya ni nsita ya kucina.

Kasambilizya 3:4 ပူးပေါင်းရင်းမြစ်များ

Utandiko 21:6

Sala avwanga ati, “Leza watandetela insansa ni nseko nu muntu wensi wino aluvwa ukuti navyalila Abulaamu umwana alaseka pamwi nani.”

2 Samueli 6:16

Lino Mbokosi ya Upangano yakwe Yawe ikwingiziwa mu Musumba wakwe Davidi, Mikala umwana umwanaci wakwe Saulo ale akusungamila pa nzota. Lyene alola kuno umwene Davidi akucina nu kutoloka pa manso yakwe Yawe. Lyene amusuula umu mwenzo wakwe.

Masamu 30:11

Awewe ukasenula impoma yane ukuya iciila ca nsansa. Ukanzula umupango wa ndosya nu kunjika umu nsansa.

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Kufuma 15:20

Milyamu kasema, kaci wakwe Aaloni watozile kangoma nga anaci yonsi aina Izlaeli yamulondelela pacisila ala yakulizya tungoma twao yakucina.

Kasambilizya 3:5

Kwaya insita ya citemwiko ni nsita isi ya citemwiko. Kwaya insita ya kutonsola ni nsita isi ya kutonsola.

Kasambilizya 7:14

Lino ivintu vikukuzipila, wemo uwazanga, nga nupya lino intazi zyakuponela, uwaiusya ukuti a Leza akatuma vyoili, insansa ni ntazi. Utange umanye ivili nu kukuponela uku nkolelo.

Ezaya 40:1

“Tekezyini antu yane imyenzo. Si angala muyatekezye! Avino Yawe walanda.

Ezaya 40:2

Komelezini aina Yelusalemu. Yanenini muti awe cumi mwacula pavula. Uyi winu watiwelelwa uluse. Nemo ne Mwene winu nalungike apakumufulula apa uyi winu onsi.”

Mateo 11:17

‘Twamulizizye vingwengwe vya pa winga, lelo mutacinyile! Twalaezile ni mpoma zya ndosya, lelo mutalosizye!’

Mateo 9:15

Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

Luka 1:58

Auze na akazi kakwe yuvwile vino Mwene wamuyela mizu, nga yazangila pamwi nawe.

Loma 12:15

Muzange pamwi na yao akuzanga, losyini pamwi na yao akulosya.

2 Kolinto 7:10

Pano ulanda uno Leza akaomvya wene ukuleta ukuzenzuka kuno kukatungulula ku ufyusi. Caleka mutalinzile kuvwa ulanda pali cii. Pano kuvwa ulanda wakwe vino amu nsi yakacita kwene kukaleta imfwa.

Yakobo 4:9

Muye nu ulanda, mwalosya nu kulila minsozi. Tini kuseka, tandikini kulosya. Tini kuzanga, tandikini kukungumala!