Kasambilizya 3:3 - Amazwi Yakwe Leza 2013

³ kwaya insita ya kukoma ni nsita ya kupozya, kwaya insita ya komoola ni nsita ya kukuula.

Kasambilizya 3:3 ပူးပေါင်းရင်းမြစ်များ

Utandiko 9:6

Nu muntu uwakoma umuntu muze, nawe kwene antu yauze yalamukoma. Pano umuntu waumvilwe mu cata cakwe Leza.

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Yelemiya 1:10

Ilelo nakupeela amaka pa mitundu na pali yamwene yayo, amaka ya kutukulula nu kuongolola, amaka akonona nu kulovya, akukuula nu kulema.”

Yelemiya 31:28

Wakwe vino nkulolelanga ukwipa, apa kuwisya, apakuongolola, apakonona na pa kuleta ulanda, ali vino ndakolelela ukukuula na pa kulima. Ivyalanda Yawe.

Yelemiya 33:6

Lelo ukuya kwene, intalalengela uku ututulula nu kuupozya. Ndayalwazya nu kuyapeela ulongo nu mutende ukalamba.

Yelemiya 45:4

Yawe nawe wavwanga wati, “Cino nakuuzile namaciongolola, nacino naalemile naco namacitukula. Ala namafulula impanga yonsi pyu.

Ezekelo 13:14

Ndawisya ilinga lino mwakupawilile nu mula, ndalisumba pansi nu kusya imifula pambiliwili. Lilawa, namwe kwene lice limwilikizye, nu kumulovya. Alino mulamanya ukuti nene indi Yawe.’

Hagai 1:2

Yawe Wamaka Onsi wanena Hagai wati, “Antu yaa yakuvwanga yati, ‘Ndakai isi nsita ya kukuula cipya cipya Ng'anda ikulu yakwe Leza.’ ”

Hagai 1:4

“Mwe antu yane uzye mwemo icamuzipila icani apakuti mwemo mwaikala umu mang'anda inu ausaka lino Ng'anda yane ikulu ili icipompa?”

Zakaliya 1:12

Lyene umungeli wakwe Yawe avwanga ati, “We Yawe Wamaka yonsi, uzye ukufika lilaci lino utalaya na mizu ku ikazi amu Yelusalemu nu mu misumba yaku Yuda, yayo yano waponyezizye ukali wako pa myaka amakumi cinimbali?”

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

1 Samueli 2:25

Ndi umuntu umwi wifya ku muntu muze, Leza angamuvwangila. Lelo ndu muntu wifya kuli Yawe, uzye aweni angamupapatila?” Lelo ana yakwe yatatezizye ukukalipa kwakwe isi wao, pano cali ukulonda kwakwe Yawe kuti ayaponyezye imfwa yafwe.

1 Samueli 2:6

Yawe aliwe akaleta imfwa nupya aliwe akapeela umi. Wene akatwala antu kuzimo, nupya akweti amaka akuyazyukula.