Kasambilizya 2:6 - Amazwi Yakwe Leza 2013

⁶ Lyene nimba viziya vya manzi akukontelela imiti.

Kasambilizya 2:6 ပူးပေါင်းရင်းမြစ်များ

Neemiya 2:14

Lyene imfutuka, inja uku Mpongolo ya Kafukoka nu ku Cifula ca Mwene, lelo kutali inzila yakuti punda wino nakwezilepo apite mwenemo.

Neemiya 2:8

Alino na kalata wakuyapeela Asafu, kasunga wa mutengo wa mwene apakuti ace aka mpeele imiti iyakulepula imbao izya kuti ince mpangile impongolo zya Ng'anda ikulu yakwe Leza, ni zi linga lya musumba alino ni zya ng'anda yane kwene. Fwandi vyonsi vivyo umwene wanzumilizye apakuzana ukuti uluse lwakwe Leza lwali nani.

Neemiya 3:15

Syaluni umwana umonsi wakwe Kolioze, uwateekanga citungu ca Mizipa, uwakuuzile Mpongolo ya Kafukoka. Aikuululula nga aikapo ni paala, ni visasa alino ni mifikilo yaviko. Akuula ni linga ukufika nu ku Ciziya ca Siloamu apipi ni calo ca mwene, ukufuma uku utampilo mpaka ukufika nu ku mpela ya musumba wakwe Davidi.

Neemiya 3:16

Wino yemine nawe, a Neemiya umwana umonsi wakwe Azibuki, uwateekanga citika wa citungu ca Beti Zuli. Wene uwazifizye imbali yuze ukufuma uku ncende iyalungatana ni lindi lyakwe Davidi, ukuyafika uku ciziya ciimbe uku pipi na kamba ka asilika.

Masamu 1:3

Wene waya wa muti uno yalema umu mbali ya kaluzi, nu kuseeka ukaseeka apa nsita ilingane. Amafwa ya muti uo yasitala iyuma. Vyonsi vino akacita asiposiwa.

Lwimbo lwakwe Solomoni 7:4

Insingo yako yapololoka wa lupungu ulwakuulilwa ni lino lya nzomvu. Amanso yako yali ungati iviziya vyamu musumba wa Esyiboni, visi vino vyaya mupipi ni mpongolo yakwe Bati Labimu. Impuno yako ikuloleka wa lupungu lwaku Lebanoni luno lwalungatana na Damasiko.

Yelemiya 17:8

Wene waya wa muti uno walemwa ukuli amanzi uukasakata imisisi ukuli amanzi. Wene usiopa icipuki ndi ciza, pamulandu wakuti amafwa yakweo yakaya sile lyonsi alembe. Umu mwaka wa cilala wene usisakamala foo, nupya usita ukuseeka.”