Kasambilizya 2:4 - Amazwi Yakwe Leza 2013

⁴ Naomvile ivintu vikulu wakwe cimwi. Nakuuzile amang'anda yane nu kulema amatingi yane.

Kasambilizya 2:4 ပူးပေါင်းရင်းမြစ်များ

Utandiko 11:4

Lyene yati, “Twikuulile umusumba nga nu lupungu lwakufika kwiyulu. Ndi twacita vii, tulalumbuka nupya tutalasalangana monsi mu nsi.”

2 Samueli 18:18

Mu manda ya umi wakwe Abusalomu walanga waikuulila icipilala umu Cifoloma ca mwene, pamulandu wakuti atakweti umwana uwakuti aimike umupanda wakwe. Acino watemile icipilala cici izina lyakwe, nga ni lelo kwene cikaamwa ukuti Icipilala cakwe Abusalomu.

1 Yamwene 15:19

“Lekini tucite cipangano pakasi kakwe nene namwe, ndi vino tata wapangine na so. Lola, natinkutumila amawila yakwe siluva na zaabu. Wemo putula cipangano cino wacita pakasi kako na Baasya umwene waku Izlaeli pakuti afumye ivita vyakwe vya nkondo mu mpanga yane.”

1 Yamwene 9:1

Lino Solomoni wamala ku kuula Ng'anda ikulu yakwe Yawe nga ni sano, nga na vyonsi vino wakasi ku kuula,

1 Milandu 27:27

Syimei uwaku Lama wangalilanga vyalo vya matingi. Zabidi uwaku Syifami wangalilanga waini kuti asungwe ningo mu vyakusungila mwenemo waini.

2 Milandu 26:10

Pacisila cakwe vyonsi vii, Uziya akuula impungu nu mulwanga kwene nga aimba ni vifula ivivule, pamulandu wakuti wene wakweti iviteekwa nyanya mu misana ya twamba nu mu manyika.

2 Milandu 8:11

Solomoni atoola uwakwe, umwana wakwe Falao amukusizya nu mu musumba wakwe Davidi, uku mufumya umu citente campiti icamu Yelusalemu nu kumutwala umu ng'anda yuze ino wamukuulile. Nga avwanga ati, “Awe, cakana sana, atanga aikala umwi sano lyakwe Davidi umwene waku Izlaeli apamulandu sile wakwe nene. Incende zii izyamuzilo nupya ali muno ni Mbokosi ya Upangano yakwe Yawe yikalanga.”

Masamu 49:11

Amalindi yao ala yasyala ali vifulo vyao pe na pe. Ala amuno yasyala yakwikalilila amanda yonsi, nanti angala uku mpiti yaikwatile ivifulo vyao.

Lwimbo lwakwe Solomoni 1:14

Mukundwe wane ali wa cisansangu ca maluwa ya mpanga yano yakawalula mu calo ca matingi ku Engendi.

Lwimbo lwakwe Solomoni 7:12

Tulakatuka katondotondo nu kupitana mu calo ca matingi, tukalole ndi cakuti imitingi yawalula, alino nupya tulole ndi mipomegeleneti yawalula. Kuku kwene akuno nemo indakulanga vino nakutemwa.

Ezaya 5:1

Kanimbile cuza wane ulwimbo lwa citemwiko cino wakwatila icalo cakwe ca matingi. Ala cuza wane wakweti icalo cakwe ca matingi, cico icali pa mwamba uwa muvundo.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”