Kasambilizya 2:3 - Amazwi Yakwe Leza 2013

³ Campamvizye ukulondesya ukuzana amano, nga inelenganya ukuti naisansamusya na waini nu kukwata insita isuma. Nelenginye ukuti limwi ii ingaya inzila isuma ino antu yangaomvezya amanda yao anono amu nsi.

Kasambilizya 2:3 ပူးပေါင်းရင်းမြစ်များ

Utandiko 47:9

Yakobo aasuka ati, “Indi ni myaka umwanda onga na makumi yatatu mu umi wa kululumba kwane. Imyaka yane ili inono nupya iya ucuzi, ino itangakolana ni myaka ya kululumba kwa vikolwe vyane.”

Yobo 14:14

Uzye umuntu ndi wafwa, angaya nu umi nupya? Ndi cakuti ali vino cingaya nemo fwandi apa manda yonsi yano ningakuombela ningalolela ukufika napa nsita ino amalanda yane yangansilila.

Masamu 104:15

nu kusuta waini uwakumusansamusya, aenga na mafuta amu olivi akumuyemvya umwili, nga alino ni cilyo cakumupeela amaka.

Mapinda 20:1

Waini akatumfya, nu wengwa ulume ukaleta ulwete. Na wiyo wensi akavilondelela, iciwelewele.

Kasambilizya 1:17

Nelenginye kusambilila kuti imanye upusano pakasi ka mano nu uwelewele, na pakasi ka mano nu upena. Lelo nazanyile ukuti limwi nani kwene ningazinganya umuza.

Kasambilizya 10:19

Vimulo vingakusansamusya, alino waini nawe angakuzanzya. Lelo utange uzane vyoili vii ukwaula impiya.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Kasambilizya 2:24

Fwandi icintu cisuma cino umuntu ali wensi angacita, ukulya nu kumwa nga nu kuilyokezya pa vintu vino walonka. Lelo nilwike ukuti vyonsi vii vikafuma kuli Leza.

Kasambilizya 5:18

Acino nemo nazana ukuti icintu cisuma cino umuntu ali wensi angacita, ukulya nu kumwa nga nu kuilyokezya pa vintu vyonsi vino waombela mu umi wakwe uwipi uno Leza wamupeela. Kusi icintu nacuze cino umuntu angacita.

Kasambilizya 6:12

Uzye aweni angamanya icingatuzipila mu manda itu anono aumi witu uwasilesile, umi uno ukapita wa cinzingwa? Uzye tungamanya uli icilacitika mu nsi pacisila ca mfwa itu?

Kasambilizya 7:18

Fwandi we muntu ulinzile ukuteeka umwenzo pa milandu ii iili. Wemo ndi cakuti ukaoopa Leza, ale lyene imilandu ii yoili ukailondela ukwaula intazi.

Kasambilizya 7:25

Lelo naipezile pamulandu wa kusambilila pakuzana amano. Nalondesya ukuzana amano, alino nu kuzana amaasuko yakuzana amano, alino nu kuzana amaasuko yaku mauzyo yane. Nupya nalondanga ukusambilila vino uyi waya, vino uwelewele waya, na vino kutumpa kwaya.

Kasambilizya 8:15

Acino nemo nasininkizya ukuti swemo tulinzile ukuilyokezya, pano ukusansamuka kuno twakwata mu umi uu, ukulya nu kumwa sile, alino nu kuilyokezya. Tungacita vii lino tukuomba imilimo yi yevu mu nsita ya umi witu uno Leza watupeela mu nsi ii.

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

Yakapingula 9:13

“Lelo umutingi iwasuka uti, ‘Pakuti imuteke, suka ntale nte ukupanga waini, wino akasansamusya tuleza na antu.’

1 Samueli 25:36

Walanga Abigelo waswililamo, azana Nabali watacita icimulo umu ng'anda yakwe kwati cino yakateyanyizizya ya mwene. Wene wasansamwike nga akoleka sana cakuti umuci atamunenyile nanti cimwi mpaka ukufika akatondo.