Kasambilizya 2:16 - Amazwi Yakwe Leza 2013

¹⁶ Kutaya nanti umuntu wenga akaiusya antu yamano, alino kutaya umuntu umwi akaiusya iviwelewele. Mu manda akwiza inkolelo swensi kwene tulililika. Swensi tulafwa, antu yamano nga ni viwelewele icili cimwi.

Kasambilizya 2:16 ပူးပေါင်းရင်းမြစ်များ

Kasambilizya 1:11

Aici kutaya umuntu wino akaiusya ivyacitike mpiti. Nupya mu manda akunkolelo kutalaya aliusya ivyacisila.

Kasambilizya 9:5

Endi, antu lino yacili nu umi yakamanya ukuti yalafwa. Lelo afwe yatamanya nanti acimwi. Yene yatakwata icilambu nacuze. Yene yililika pyu.

Masamu 88:12

Uzye ivizungusyo vyako vingaloleka umu cifulo ca kanda, nanti uololoke wako umu mpanga ya antu aililika?

Kufuma 1:8

Lyene umwene muze wino atamanyile nanti cimwi pali Yosefu, apyana atandika kuteeka mu Eguputo.

Ayebulai 9:27

Muntu wensi alinzile ukufwa lyonga nga pacisila apingulwe na Leza.

Malaki 3:16

Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Kasambilizya 6:8

Uzye pacani umuntu wamano waluta iciwelewele? Nga fwandi umuzano cii uno umupina akazana pakumanya imikalile ya munsi ii?

Kasambilizya 2:14

Antu yamano yangalola kuno yakuya, lino iviwelewele vitangalola kuno vikuya. Lelo namanya ukuti icikaponela umuntu wa mano, icikaponela iciwelewele na cipena kwene.

Masamu 103:16

Lino umuza wiza walyululula ali myulukile, vivyo kwene ilipita, uponga na pano lyali lili.

Masamu 49:10

Uzye wene asiilolela kuno antu yamano nayo kwene yakufwa, wakwe vino ivipuwa ni viwelewele vikafwa, iyasya ni vyuma vyao kuli yauze?

2 Samueli 3:33

Umwene Davidi pa kulosya Abineli amulosezya umu lwimbo lwa ulanda ati, “Uzye pacani cino Abineli wafwila wa ciwelewele?

Kufuma 1:6

Mu kupita kwa nsita Yosefu na ina yakwe nga na asyala yonsi amu mukulo ulya iyafwa.

Kasambilizya 2:15

Lyene nelenginye inti, “Icikaponela iviwelewele, icilaponela nani kwene. Nga fwandi umuzano cii uno nazana pakuya uwa mano?” Namaasuka inti, “Kusi nanti cimwi.”

Kasambilizya 7:2

Cazipa ukuya ku ng'anda ya ndosya ukuluta ukuya ku ng'anda ya mateweto, pano antu apuma yalinzile kwiusya ukuti swensi kwene tulafwa.

Kasambilizya 8:10

Endi, nemo nalola kuno antu ankota yakuzikwa mwi lindi. Lelo akula muli umu nzila mukufuma kwi lindi, uuvwa antu yakumulumbanya mu musumba ulya kwene muno wacitanga ivintu viipe. Cii, icasilesile.

Kasambilizya 9:15

Lyene mu musumba unono ulya mwatenzi umuntu umwi umupina, nga wene wali umucenjele wakwe cimwi cakuti wapuswisye umusumba. Lelo kutali umuntu nanti aumwi uwelenganyanga pali aliwe.

Mapinda 14:8

Amano ya muntu musalapuke yasintilila apa kumanya inzila ya malango, lelo iviwelewele vyene vikatumpokwa pamulandu wa vicitwa vyakwevyo.