Kasambilizya 2:1 - Amazwi Yakwe Leza 2013

¹ Insita imwi nelenginye inti, “Nkailyokezya pakuti nkamanye vino insansa zyaya.” Lelo nazanyile ukuti naco kwene icasilesile.

Kasambilizya 2:1 ပူးပေါင်းရင်းမြစ်များ

Utandiko 11:7

Leka tuye pansi tukavulunganye ululimi lwao kuti yatauvwana.”

2 Yamwene 5:5

Umwene wilya nawe avwanga ati, “Pita ku mwene wa ina Izlaeli usende na kalata kwene wii uwakukulondolola kunoli.” Acino Naamani akatuka nga aya ku Samaliya ala asenzile ni mpiya zyakwe siluva amazimbi amakumi yatatu, nga na zaabu amazimbi mutanda, ni vyakuzwala iviyembelo ikumi lyonga.

Masamu 10:6

Umu mwenzo wakwe akavwanga ati, “Insi wakutenta. Ntalaponelwa ni ntazi.”

Masamu 14:1

Iciwelewele umu mwenzo wakweco cikati, “Leza kutaya.” Yene yafuma umu nzila, ni vicitwa vyao ivyansonyi. Kusi muntu nanti wenga akacita visuma.

Masamu 27:8

Watulaizya kunondi uti, “Ndanga kunondi.” Ee we Yawe, fwandi ali cino niza.

Mapinda 14:13

Nanti umuntu angezya ukuseka uli, ala umwenzo wene uziile amalanda na miiku. Nga lyene impela ya nsansa zizyo amalanda ya pe.

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Kasambilizya 2:10

Consi cino nalondanga calolike. Nailyokezyanga muno nkulondela. Namekelanga icintu consi cino naombile na vyonsi vii vyali ivilambu vya milimo yane.

Kasambilizya 2:15

Lyene nelenginye inti, “Icikaponela iviwelewele, icilaponela nani kwene. Nga fwandi umuzano cii uno nazana pakuya uwa mano?” Namaasuka inti, “Kusi nanti cimwi.”

Kasambilizya 2:25

Nga fwandi ungazana uli icili consi icakulya nanti icakuilyokezya ukwaula Leza?

Kasambilizya 7:4

Umuntu wino lyonsi akaelenganya sile pa nsansa, wene iciwelewele. Umuntu uwamano akaelenganya pamulandu wa mfwa.

Kasambilizya 8:15

Acino nemo nasininkizya ukuti swemo tulinzile ukuilyokezya, pano ukusansamuka kuno twakwata mu umi uu, ukulya nu kumwa sile, alino nu kuilyokezya. Tungacita vii lino tukuomba imilimo yi yevu mu nsita ya umi witu uno Leza watupeela mu nsi ii.

Ezaya 5:5

“Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Ezaya 50:11

Lelo mwemo mwensi, mwemuno mwakozya umoto, nu kusonkelezya ivisonsololwa, lyene ingilini mu cimbilimbili ca moto winu, uwa visonsololwa vino mupembelile. Vii ali vino ikasa lyane lilamucitila. Mulalambalala mu ucuzi utaikulila.

Ezaya 50:5

Yawe Simwandalali wankomwile amatwi, ntamusangukile nanti kumufutatila.

Luka 12:19

Alino ndainena nemwisikulu nti, ‘Nene musyuke! Nakwata vintu vyonsi vino nalondanga pa myaka iingi. Kanapuza, nalya, namwa, nu kuzanga.’

Luka 16:19

“Kwali umuntu mukama uwazwalanga insalu ziyenzulukile zyamutengo, uwalyanga ningo nupya watenzi mu luzango lwa manda pe.

Luka 16:23

Lyene kuzimo kuno wali mukucula kukulu cuze, asanzula amanso alola Abulaamu patali, na Lazalo ala atenzi pipi nawe.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Yakobo 4:13

Lyene nguvwini mwe muno mukati, “Ilelo nanti mutondo tulaya pa lwendo kuya ku musumba ukulu umwi. Kuku akuno tulikala kulingana mwaka, ale tukuculuzya nu kulonka impiya zingi.”

Yakobo 5:1

Mwe antu akama, ndakai nguvwini! Losyini nu kukuta pa malanda ali nu kumuponela!

Yakobo 5:5

Umi winu muno nsi uwa kuipakizya mu vintu vyamutengo. Lelo ndakai mukoline wa ng'ombe ziine zino zikusendwa ku kukomwa.