Hagai 2:9 - Amazwi Yakwe Leza 2013

⁹ Ali cino ululumbi lwa Ng'anda ii yakwe ciili lulaluta pa lulumbi lwa Ng'anda ya pakutandika iyaliko. Nupya indaleta untungwa nu mutende panonsi ponsi. Ivyavwanga Yawe Wamaka yonsi.”

Hagai 2:9 ပူးပေါင်းရင်းမြစ်များ

Ezaya 60:7

Amaufyo ya mfwele aku Kedali nu ku Nebaoti yalayaleta kunuli apakuti uyatule impolelwa. Yalapokelelwa apa kavuwa kane, apa kuyemvya Ng'anda yane ikulu ya lulumbi.

Ezaya 66:12

Yawe akuti, “Nemo ndamuletela isyuko lya pee, ni vyuma vya mitundu yonsi vimaizanga kunomuli. Vimafumfumukanga wa manzi amu luzi ulukupita lyonsi. Mumaya wa kana kano kakusungwa na nyina, kano kasenzilwe pa minwe yakwe, nu kukasunsuntila.

Ezekelo 43:5

Umupasi wakwe Leza pali pakunkatusya nu kuntwala mu musolo wa mukasi, nga nu ucindami wakwe Yawe iuzula mu Ng'anda ikulu yakwe Leza.

Mika 5:5

Aliwe kwene alaleta umutende. Lino aina Asilya yalingila mu mpanga itu nu kutandika ukutuponyezya inkondo, tulatuma yamusika ya vita cinimbali, nanti intunguluzi zyamaka cinani ku kuyalwisya.

Hagai 1:8

Yangini uku myamba mukalepule imbao apakuti mwize munkuulile Ng'anda ikulu iisuma iyakuti naikalamo nu kucindamikilwa mwenemo.” Avino Yawe wavwanga.

Hagai 2:3

“Uzye pangayako yamwi pano muli atazile yalolako ululumbi ulwakweti Ng'anda ikulu ii yakwe Yawe? Uzye icumi kwene mutakuilolela ukuti lyene umucinzi nu lulumbi vyati visila?

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Yakobo 2:1

Inane, mwemo mwataila muli Yesu Klistu Mwene witu uwa lulumbi. Acino mutalinzile kukwata kasoozi pa antu kulingana na vino yakaloleka kunzi.