Hagai 2:7 - Amazwi Yakwe Leza 2013

⁷ Indi nu kusunkanya imitundu ya antu yonsi iyaya muno nsi alino ni cuma cao cilaletwa kunondi, icakuti nupya kwene Ng'anda yane ikulu ilazulamo ululumbi lukulu. Nene nkuvwanga ne Yawe Wamaka Onsi.

Hagai 2:7 ပူးပေါင်းရင်းမြစ်များ

Utandiko 22:18

Na antu amu nko zyonsi zya muno nsi yalanguzya kuti nayo njapolelele wakwe vino natinkupolelela na ana yako pamulandu wa kunjela.”

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

1 Yamwene 8:10

Lino yasimapepo yafumile mu Ncende Yamuzilo kuluta, ikumbi nalyo lizula mu Ng'anda ikulu yakwe Yawe.

1 Yamwene 8:11

Yasimapepo yaposiwa kuswilila mwenemo ku kuyaomba incito zyao, pamulandu wakuti lulumbi lwakwe Yawe lwaziile mu Ng'anda ikulu ilya iyakwakwe.

2 Milandu 5:14

Yasimapepo iyaposiwa ukuomba imilimo yao ya mapepo apamulandu ni kumbi lilyo, pasi pano ucindami wakwe Yawe wazile mu Ng'anda ikulu yakwe Leza.

Masamu 80:1

Uvwa kuno wemuno ukacema aina Izlaeli, we muno ukatungulula antu yako wa ufyo wa mfwele. Wemuno wikala apapela yakwe ya kelubi.

Masamu 85:9

Cumi kwene, wene akalonda ukupususya yayo akamoopa, alino lyene nu lulumbi lwakwe luloleke umu mpanga itu.

Ezaya 2:19

Antu yayo yalafisama umu macele, umu myamba nanti ukwimba ya polowe, umwakwezya ukufisama mwenemo. Cico cilaya apamulandu wakuutuka amaka yako, nu kucindama kwako apa nsita ino uliza umu kutensya insi.

Ezaya 60:4

Tumpula amanso, celecensya konsi konsi. Lola vino yonsi yakolongana kunuli. Ana yako aonsi yafuma ukutali. Ana yako anaci yatiyayasendela pa lutungu, apa lumani.

Ezaya 60:7

Amaufyo ya mfwele aku Kedali nu ku Nebaoti yalayaleta kunuli apakuti uyatule impolelwa. Yalapokelelwa apa kavuwa kane, apa kuyemvya Ng'anda yane ikulu ya lulumbi.

Ezekelo 21:27

Kalanda kasikolo we ononyi we! We ononyi we! Ee, umusumba nkambucite itongwa. Lyene awe kacitale ciye sile, mpaka ace asuke aize wino nasolola ukuti akize akafulule umusumba uu.

Ezekelo 31:16

Nalenzile kuti antu amitundu yamu nko zyuze yazakaze uku ntete apa kuvwa ukuwa kwakweco, lilyo lino nacilambalalike mwi lindi pamwi na afwe. Lyene imiti yonsi yamu Edeni, kumwi na yonsi iyembe yamu Lebanoni, imiti yonsi iyatapililwe ningo, ino ili kuzimo, ilazangila mu kuwa kwakweco.

Ezekelo 38:19

Umu cipyu cane, mu uzuwa wane, nu mu ukali wane navwanga nati, “Nalapa ndi vino umu wanda ulya mulaya icimvulunganya wakwe cimwi umu mpanga ya Izlaeli.

Ezekelo 44:4

Alino umuntu wilya ampisya umu mpongolo yaku katutu andeta ku nkolelo ya Ng'anda ikulu yakwe Leza. Nalolekesya nazana nu kuti ucindami wakwe Yawe wati uzula Ng'anda ikulu yakwe Leza, alino impona pansi mfupime.

Hagai 1:8

Yangini uku myamba mukalepule imbao apakuti mwize munkuulile Ng'anda ikulu iisuma iyakuti naikalamo nu kucindamikilwa mwenemo.” Avino Yawe wavwanga.

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Luka 19:47

Manda onsi Yesu wasambilizyanga mu Ng'anda ikulu yakwe Leza. Yasimapepo akalamba, yakasambilizya ya Masunde, ni ntunguluzi zya antu amu Yudeya, yalondanga ukumukoma.

Luka 2:27

Lyene Simeoni atungululwa nu Mupasi Wamuzilo kuya ingila mu Ng'anda ikulu yakwe Leza. Lino akwasi yatwazile umwana Yesu mu Ng'anda ikulu yakwe Leza kuti yamucitile lutambi luiine na Masunde yakwe Mose,

Luka 2:46

Pa wanda uwalenga yatatu alino yamuzana mu Ng'anda ikulu yakwe Leza, ala atenzi na yakasambilizya, akuuvwa nu kuuzya mauzyo.

Luka 20:1

Uwanda umwi lino Yesu wasambilizyanga antu mu Ng'anda ikulu yakwe Leza nu kukosola Ilandwe Lisuma, yasimapepo akalamba na yakasambilizya ya Masunde, pali pamwi na aikolo, iiza kunoli.

Luka 21:38

Lyene pa macaca, antu izanga ku Ng'anda ikulu yakwe Leza ku kumuvwa.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Kolose 2:9

Mwata wakwe Leza onsi waya muli Klistu, mu untu wakwe,