Hagai 2:5 - Amazwi Yakwe Leza 2013

⁵ Mutuvwa intete awe, pano umupasi wane uli pano muli kuti umwazwe muli vyonsi vino mukucita ndi vino nalavile lino namufumizye umu Eguputo.”

Hagai 2:5 ပူးပေါင်းရင်းမြစ်များ

2 Milandu 20:17

Citalingine kuti mukalwisye pakwene. Mwemo mukikale celu, ale mukuceleka nu kulolelela vino Yawe alamulwila ulwi uu mwensi mwe ikazi aku Yuda nu ku Yelusalemu. Mutuvwa intete nanti kutovoka. Mutondo muce mufume mukalwe nayo, nga Yawe nawe alaya namwe pee.’”

Neemiya 9:20

Wapiile umupasi wako usuma apakuti yasundike. Wayimwile mana nga uyapeela na manzi akukoma ulusala.

Neemiya 9:30

Apa myaka iingi ala wayatekelela. Wayatezela nu kuyaceula ukupitila muli yakasema, lelo yene yatange yakuvwe nanti panono. Fwandi ali cino wasuka waleka anisi yao yayacimvya.

Kufuma 19:4

mwaweni vino nacisile ku ina Eguputo. Nupya mwaweni vino namusenzile wakwe vino cipungu akasenda ana yakwe pa maapa, nga imuleta kuno kunondi.

Kufuma 19:6

Mulaya antu akuntumikila wakwe yasimapepo. Mumayanga umutundu wamuzilo. We Mose, yaa ali mazwi yano ulinzile ukunena aina Izlaeli.”

Kufuma 24:3

Mose apita, aya anena antu amazwi na malamulo yonsi yano Yawe wamunenyile. Lyene antu yonsi yaasuka yati, “Endi, tumacita vyonsi vino Yawe watavwanga.”

Kufuma 24:8

Lyene Mose atoola uwazi uwamu ngeso nga akanyila antu, alino avwanga ati, “Uwazi kwene uu, cili cisininkizyo ca upangano uno Yawe wapangana namwe pa kumupeela malamulo yaa.”

Kufuma 34:10

Lyene Yawe anena Mose ati, “Ndakai natinacita upangano na ina Izlaeli. Ndacita vintu vikulu pa manso yao ivitatala vyacitika mu luko nanti longa lwa munonsi. Antu yonsi yamalola vintu vikulu vino Ne Yawe ningacita, pano namacita vintu vya ngofyo kunuli.

Kufuma 34:8

Zuwazuwa Mose afukama pansi afupime nga apepa.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 41:13

Apamulandu wakuti nene ne Leza winu namamukomyanga, ali cino fwandi nkumunena inti, “Mutaoopa, namamwazwanga.”

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

Zakaliya 8:15

Lelo ndakai nimpanga ukupolelela aina Izlaeli na Ayuda. Caleka mutuuvwa intete.

Mateo 28:5

Alino mungeli anena anaci yaya ati, “Mutoopa, pano manyile vino mukulonda Yesu, wino watanyilwe pa lupanda.

Milimo 27:24

‘Utuvwa intete, Paulo! Uli nu kuya imilila pa manso yakwe Kesa. Leza mu usuma wakwe kunuli watakupeela amaumi ya antu yonsi yano mupatime nao, yatakufwa.’

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yoswa 8:1

Lyene Yawe anena Yoswa ati, “Utuvwa intete nanti ukutonsiwa. Senda ivita vyonsi, nga mupite ku kuzanza umusumba wa Ai. Pasi pano natimpeela umwene waku Ai mu makasa yako, kumwi na antu yakwe, umusumba wakwe nga ni mpanga yakwe.

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

1 Samueli 12:20

Samueli nawe aasuka ati, “Mutuvwa intete. Nanti angala mwacisile inkota zi zyonsi, mutata ukupepa Yawe. Lelo mwamutumikila ni myenzo inu yonsi.