Hagai 2:4 - Amazwi Yakwe Leza 2013

⁴ Lelo nanti cingaya vivyo kwene ne Yawe nkuti, uposye mwine Zelubabeli, uposye mwine Yoswa we mwana monsi wakwe Yeozadaki, we simapepo mukalamba, muposye mwe antu mwensi kwene, mwe ikazi amu mpanga. Acino tandikini umulimo pano nene ne Yawe namayanga namwe lyonsi pe.

Hagai 2:4 ပူးပေါင်းရင်းမြစ်များ

2 Samueli 5:10

Amaka yakwe Davidi yavulilangako sile, pamulandu wakuti Yawe Leza Wamaka yonsi wali nawe.

1 Milandu 22:13

Ndi cakuti wayela amasunde ni vipope vyonsi vino Yawe wapile Mose kuti anene aina Izlaeli, lyene ulaya nu longo. Posya nupya uzyansye. Utuvwa intete nanti kutovoka.

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

Ezila 10:18

Yaa ali yano yatwite aci ainamasi. Muli yasimapepo, yano yatwite aci ainamasi aeya: Mu amu mupanda wakwe Yesyua na ina yakwe Yozadaki na ina, a Maaseya, Elieza, Yalibu na Gedaliya.

Ezila 5:2

Lyene Zelubabeli umwana wakwe Syeatieli nga na Yesyua umwana wakwe Yozadaki lino yuvwa mazwi yayo iyatandika uku kuula nupya Ng'anda ikulu yakwe Leza umu Yelusalemu. Nga yakasema yakwe Leza nayo ala yali pipi yakuyazwa.

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

Hagai 1:13

Alino Hagai, intumi ilya ilondolwela antu amazwi yakwe Yawe ndi muno yaelile akuti, “Nene ne Yawe nkumumanyisya ukuti namayanga namwe pe.”

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Zakaliya 8:9

“Posyini! Pali ndakai mwemo mukuuvwa amazwi ali yonga sile yano yakasema yalandanga, lilyo lino umufula wa kukuulilapo cipya cipya Ng'anda yane ikulu wafukwilwe.

Mako 16:20

Lyene alondezi yapita kuya kosola konsi konsi, nu Mwene wayazwanga, nu kusininkizya ni vilangililo vino kukosola kwao ukwa cumi.]

Milimo 7:9

“Ana yakwe Yakobo yali nu uzuwa pa mwina wao Yosefu, yamukazya kuya umuzya ku mpanga ya Eguputo. Lelo Leza wali nawe,

1 Kolinto 16:13

Pempulini nu kukomeleka mu utailo, posyini, muye na maka.

Efeso 6:10

Mukusyalikizya, lekini maka yakwe Leza yamukomelezya.

Malango 31:23

Lyene Yawe apeela ilamulo lii kuli Yoswa umwana umonsi wakwe Nuni, ati, “Uposye nupya uzyansye. Pano wewe uli nu kutungulula aina Izlaeli ku kupoka impanga ino nayalavile nu mulapo, nga nani namayanga nawe.”

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Yoswa 1:6

Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

1 Samueli 16:18

Alino umuomvi wenga pa yaomvi yakwe amunena ati, “Mukwai nemo namanya umwana umonsi wakwe Yese umwina Betelemu ali wino wacenjela sana ukulizya gita. Wene umuntu umwi umusipe nu pya icita ca nkondo. Umucenjele mu kuvwanga nupya umuyembe, nga Yawe ali nawe.”