Hagai 1:9 - Amazwi Yakwe Leza 2013

⁹ Mwemo mukupaalila ukuzombola ivivule, lelo silolini vino mwazombola sile tunono. Lino mwakoozyanga ivilimwa vinu, anene navipasanga nu kuvisalanganya. Acino nene ne Yawe Wamaka Onsi nkumuuzya nkuti, “Uzye apacani cino nacitilanga vii kuno muli? Apamulandu wakuti Ng'anda yane ikulu icili cipompa lino mwemo mukutwalilila ni milimo inu, nu kwikala umu mang'anda inu asuma.

Hagai 1:9 ပူးပေါင်းရင်းမြစ်များ

2 Samueli 21:1

Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

2 Samueli 22:16

Apansi pali yemba ipaloleka, nu mufula wa nsi wasime pa nsita ino Yawe wakalipila anisi yakwe nu kuyazotokela umu ukali.

2 Yamwene 19:7

Nene kwene ne Yawe namaleka ukuti umwene waku Asilya auvwe vimwivimwi, vivyo avino ndaleka kuti aswilile uku mpanga yakumwao akuno yaye yakamukomele nu kumukomela.”

Yobo 10:2

We Leza! Utampela umulandu. Nene sile nemo imanye umulandu uno nakutala.

Mapinda 11:24

Umwi angatwalilila ukupeela ivintu vyakwe luse luse uku yauze, lyene ala akalukulunduluka umu ukankala wakwe. Lelo umwi nawe ndi wati atale aezye, ala wama sile upina utupu.

Mapinda 27:20

Vino imfwa ni lindi vitatala viikuta, ali vino na manso ya muntu yatalatala ikute.

Kasambilizya 1:8

Ivintu vyonsi vikatendusya, kutendusya kwacipezya amano. Amanso itu yakalola lelo yasyalola kuti cifuule, amatwi itu yakauvwa, lelo yasiiuvwa kuti cifuule.

Ezaya 40:7

Isote likauma na maluwa nayo yakafoota, lino Yawe wapuutapo umupu wakwe. Cumi kwene na antu kwene yaya wi sote.

Ezaya 5:10

Icalo ca matingi icakwata amaekita yaili umu utali mulafuma sile mwenemo ivifenwa vya matingi ivingalingana sile na malita yani na citika. Umu matepe ikumi lyonga a mbezu mulazombola sile uzombozi wi tepe lyonga mpo.”

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Ezekelo 21:31

Lino ndakukatukila wa cimbilimbili ca moto, alino wemo uluvwa apapela icipyu cane. Ndakusumbila ku antu aya wa vilyanyi ku ukali, ku antu amanya ukusalipa.

Aina Levi 19:25

Lelo mu mwaka wakwe cisano mungalya iviseekwa vya ku miti iyo. Ndi cakuti mulacita vyonsi vii, imiti inu ilaseeka iviseekwa vivule cuze. Nene indi Yawe Leza winu.

Hagai 1:4

“Mwe antu yane uzye mwemo icamuzipila icani apakuti mwemo mwaikala umu mang'anda inu ausaka lino Ng'anda yane ikulu ili icipompa?”

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Malaki 2:2

‘Mulinzile ukuncindika muli vino mukucita. Ndi cakuti mutaluvwa kuli vino nkumunena, lyene ndamuponyezya icitipu. Ndaponyezya icitipu pa vintu vino mukapokelela vyakutungilila wikazi winu. Endi, natimviponyezya icitupu mpiti, pamulandu wakuti mwemo mutisile amano api lamulo lyane.

Malango 28:38

“Mulakomela imbezu zivule, lelo utwa uzombozi tulaya utwa ciwelewele, pamulandu wakuti makanta nawe alalya ivyakulya vinu.

Umbwilo 2:4

Lelo nkuilizyanya pali cii, cakuti utantemwa ndi vino wantemilwe inkolelo.

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.