Hagai 1:6 - Amazwi Yakwe Leza 2013

⁶ Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Hagai 1:6 ပူးပေါင်းရင်းမြစ်များ

2 Samueli 21:1

Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

1 Yamwene 17:12

Mangu wilya avwanga ati, “Awe kulanda icumi, pali Yawe Leza wako uwa umi, nemo ntakweti umukate nanti onga. Lelo nkweti sile usu unono mu mpakwilo alino nu tumafuta tunono mu musazi. Nemo nizile kuno ku kusweyelezya inkwi pakuti lino namaya uku ng'anda, inje nkeleke icakulya icakuti nene nu mwanane umonsi tulye, nga twalolela ukufwa.”

Neemiya 5:2

Pasipano kwali antu yamwi avwanzile yati, “Sweswe pamwi na ana itu aonsi na anaci kwene tuvuzile wakwe cimwi. Acino tulinzile ukukwata cakulya pakuti tuye nu umi.”

Yobo 20:22

Akasanguka umupina nanti wakweti ivyuma uli uku wingi.

Yobo 20:28

Imvula ya citalawe ikateula ing'anda yakwe nu konona vyonsi. Alino vyonsi vyasyala ivisendwa uku ukali wakwe Leza.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Mapinda 11:24

Umwi angatwalilila ukupeela ivintu vyakwe luse luse uku yauze, lyene ala akalukulunduluka umu ukankala wakwe. Lelo umwi nawe ndi wati atale aezye, ala wama sile upina utupu.

Ezaya 5:10

Icalo ca matingi icakwata amaekita yaili umu utali mulafuma sile mwenemo ivifenwa vya matingi ivingalingana sile na malita yani na citika. Umu matepe ikumi lyonga a mbezu mulazombola sile uzombozi wi tepe lyonga mpo.”

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Yelemiya 14:4

Imisili yatiyumalala nu kulangoka pamulandu wakuti imvula kusi umu mpanga. Alimi nayo uku mwenzo kwatikufita nga yatiyavimba ni nsalu apa manso.

Yelemiya 44:18

Lelo ukutandikila sile pano twatelile ukocela namwene wa Mwiyulu ubani nu kupongolwela uwila wa vyakumwa, tukaulilwa ivintu, nupya na antu itu pasi pakufwa uku nkondo nu kucipowe.”

Oseya 4:10

“Yene yalalya lelo ukwaula ukwikuta. Yalacita ulenzyo, lelo yatalasanduluka, pamulandu wakuti yene yafutatila Yawe, kuti yalondele tuleza tuuze.”

Oseya 8:7

“Aina Izlaeli lino yatovya umuza, yalazombola nkungulupya. Misakinta ya ngano itakweti imitwe, yene italaleta uzombozi wa vilyo. Kuko kuno ilaleta uzombozi uo, ainamasi yaya yalalya ivyakulya vivyo.

Aina Levi 26:20

Kuombesya kwinu konsi kutalamutumbwila nanti cimwi, pamulandu wakuti impanga inu italamezya ivilimwa nga ni miti nayo italaseeka viseekwa.

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Hagai 1:10

Uli mulandu uno mwalola imvula yapisya icilala yati mpii, nu musili uma ndii.

Hagai 1:5

Uli mulandu uno Nemo ne Yawe Leza Wamaka Onsi nkuvwanga kuno muli nkuti, “Simwatala mwelenganyapo nu kukutumala pa vintu vyonsi ivikamuponela!

Hagai 1:7

Uli mulandu uno Nemo ne Yawe Wamaka Onsi nkumunena nkuti, “Mwelenganyepo lili pamulandu kwene uu.

Hagai 1:9

Mwemo mukupaalila ukuzombola ivivule, lelo silolini vino mwazombola sile tunono. Lino mwakoozyanga ivilimwa vinu, anene navipasanga nu kuvisalanganya. Acino nene ne Yawe Wamaka Onsi nkumuuzya nkuti, “Uzye apacani cino nacitilanga vii kuno muli? Apamulandu wakuti Ng'anda yane ikulu icili cipompa lino mwemo mukutwalilila ni milimo inu, nu kwikala umu mang'anda inu asuma.

Hagai 2:16

Pano umuntu wakweti upaalilo wakuzombola ingano ya mpokoso makumi yaili, lelo azombola sile ikumi lyonga. Ndi walooka kuti akanyemule insembo makumi yasano yakwe waini, aya anyemula sile amakumi yaili.

Hagai 2:17

Anene kwene nononyile imbezu zinu zyonsi ku tuzizi, uku munyezi alino nuku mvula ya mawe. Lelo pali vyonsi vi musikutala mwelenganya ukuti mungazenzuka. Kuli kuvwanga kwakwe Yawe.

Zakaliya 5:4

Yawe Wamaka yonsi wavwanga wati, “Ulutipu luu ndaluponyezya umu ng'anda ya muntu wensi umwivi, nga nu mu ng'anda ya muntu wensi wino akalapa ufi. Lwene lulasuka lwikalilile mu mang'anda yao nu konona vyonsi vino yakuulilwako.”

Zakaliya 8:10

Lino insita iyo itacili yafika, kutalolekanga umuntu nanti wenga uwakulembwa uku ncito iyo pakuti sile alipilwa penepo, nanti sile ukwazima iciteekwa conga pakuti caombapo nu kulipila umweneco wa citeekwa, foo. Na antu yakuposiwa kuomba imilimo yao pamulandu wakoopa anisi yao, pasi pano anene nasongelekanyanga antu yonsi.

Malaki 2:2

‘Mulinzile ukuncindika muli vino mukucita. Ndi cakuti mutaluvwa kuli vino nkumunena, lyene ndamuponyezya icitipu. Ndaponyezya icitipu pa vintu vino mukapokelela vyakutungilila wikazi winu. Endi, natimviponyezya icitupu mpiti, pamulandu wakuti mwemo mutisile amano api lamulo lyane.

Malango 28:17

“Yawe alatipwila imbezu zinu ni vyakulya vino mulateyanya ku mbezu zizyo.