Hagai 1:11 - Amazwi Yakwe Leza 2013

¹¹ Acino naponya icilala panonsi ponsi, pa vyalo vinu vyonsi vya ngano, ni vyalo vya matingi ni miti ya miolivi nga alino na pavimelwa vyonsi vyapano nsi pa musili, nivya vilimwa vyonsi nga na pa antu yonsi ni nyama kwene.”

Hagai 1:11 ပူးပေါင်းရင်းမြစ်များ

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

2 Yamwene 8:1

Elisya walanga wanena umwanaci uwikalanga mu musumba uwamwangwa Syunemu, umwanaci wiya wino Elisya watutulwile umwana wakwe umonsi, ati, “Katuka wapita, wewe pamwi na ang'anda yako, mufume muno nga muye uku kwikala kuze, pamulandu wakuti Yawe alaponya icipowe mu mpanga ii. Icipowe cico cilamala imyaka cinimbali.”

Yobo 34:29

Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!

Yelemiya 14:2

“Impanga ya Yuda ili mu malanda ni misumba ya iko ikufwa, na ikazi yamwenemo yakwalangana sile ku ucuzi. Mu Yelusalemu namo kwene muli impooma.

Nyimbo zya ndosya 1:21

“Si ungala uvwe kuteta kwane, kusi uwakuntekezya. Anisi yane yonsi yakuzangila umu ucuzi uno wamponyezya. Ungala ufikilizye zuwa uwanda uwa uno walavile uleke nayo yace yaye vinondi.

Amosi 5:8

Aliwe kwene uwapanzile intanda izikaamwa Pileyadi ni zikaamwa Olioni, aliwe kwene akaeletula akanda kuti kaye amacaca, akaeletula umusanya kuti uye usiku. Aliwe kwene akaama amanzi yapali yemba nu kuyapongolwela pa musili. Izina lyakwe a Yawe.

Amosi 7:4

Vii, ali vino Yawe wandangizye umu cilolwa: Yawe Simwandalali waamile amakala ya moto kuti avunuke antu. Umoto uo wosile impanga ikulu sana iutandika nu konona ivyalo vyonsi pyu panonsi.

Amosi 9:6

Yawe aliwe waikuulila isano umwakwikala ukwiyulu, nupya wapanga ulwelele ungati umufula wa mpanga ya pano pansi. Wene akaama amanzi amuli yemba nu kuyapongolwela pa mpanga ya pano pansi. Wiyo kwene izina lyakwe a Yawe.

Hagai 2:17

Anene kwene nononyile imbezu zinu zyonsi ku tuzizi, uku munyezi alino nuku mvula ya mawe. Lelo pali vyonsi vi musikutala mwelenganya ukuti mungazenzuka. Kuli kuvwanga kwakwe Yawe.

Hagai 2:19

mutakweti ing'ano izingi umu nkoma zinu. Amatingi, amasamvu, imipomegeleneti ukwikapo ni miolivi kwene vyonsi vitaseeka. Lelo ukutandika pa wanda wi lelo kwene nemo namamupolelelanga pe.”

Malaki 3:11

Ndalesya ivizizi kuti vitonona ivilimwa vinu, nga na matingi amu vyalo vinu vya matingi, yatalalukusya amatingi awe. Ne Yawe Wamaka yonsi natimvwanga.

Malaki 3:9

Endi, mwe luko lonsi mwatipwa, pamulandu wakuti mukunjiya.

Malango 28:22

Yawe alamuponyezya indwala izikaambukila, ni mvimba ni nzakaza, ni cilala ni miza ikaye kuti yonone ivyakulya vinu. Ivilumbelo vii vilasyala pano muli mpaka mukafwe.